لاس رسیدونکی لینک

تازه خبر

په امریکايي سېنېټر او په مېرمن یې د رشوت اخیستلو الزام لګول شوی


د 69 کلن سېنېټر خلاف شپږ کاله مخکې د کرپشن یا د اداري فساد په بله مقدمه کې د منصفانو شورا یا جیوري څه فېصلې ته نه وه رسېدلې
د 69 کلن سېنېټر خلاف شپږ کاله مخکې د کرپشن یا د اداري فساد په بله مقدمه کې د منصفانو شورا یا جیوري څه فېصلې ته نه وه رسېدلې

د امریکې د نیوجرزي ریاست سېنېټر باب مېنېنډېز او د هغه په مېرمن د جمعې په ورځ دا فرد جرم ولګول شو چې په رشوت کې یې نغدې پېسې، سره زر او یو ګران بېعه موټر اخیستي او د ډېموکرېټېک پارټۍ دې سېنېټر په خارجه چارو کې د خپل اثر دلارې د مصر د امرانه حکومت مرسته کړې ده.

د حکومتي وکیلانو په وېنا د تلاشۍ په مهال د سېنېټر مېنېنډېز د کور نه د یو لک ډالرو مالیت سره زر او 480000 ډالر نغدې پېسې ترلاسه شوي دي.

د 69 کلن سېنېټر خلاف شپږ کاله مخکې د کرپشن یا د اداري فساد په بله مقدمه کې د منصفانو شورا یا جیوري څه فېصلې ته نه وه رسېدلې.

د سېنېټر مېنېنډېز خلاف ورستي الزامات د هغه خلاف د پخوانۍ مقدمې سره تړون نه لري. په پخوانۍ مقدمه کې په هغه الزام و چې قیمتي تحفې يې قبولې کړې وې چې په بدل کې په یې په فلورېډا ریاست کې مېشته د یو ډاکټر دپاره په حکومتي افسرانو فشار اچوي.

د سېڼېت د تاریخ دفتر وايي داسې ښکاري چې مېنېنډېز د امریکې په تاریخ وړمبی په چوکۍ ناست سېنېټر دی په دوو مختلفو مجرمانه الزاماتو پې فرد جرم لګول شوی دی.

مېنېنډېز په متوقعې توګه اینده کال د سېنېټ په انتخاباتو بیا امیداوار دی او که کامیابېږي نو په کانګرس کې به يې دېرش کاله پوره شي. مېنېنډېز د واکمن ډېموکرېټېک پارټۍ سېنېټر دی او د حزب اخلاف ریپبېلېکن پارټۍ په مقابل کې ډېموکرېټس په سېنېټ کې معمولي اکثریت لري.

د مېنېنډېز د مېرمن یو وکیل د دریځ معلومولو دپاره د ای پي خبري ادارې پوښتنو ته جواب نه دی وېلی. د مېنېنډېز ترجمان او د هغه سیاسي مشیر ته هم پوښتنې لېږل شوې وې.

مېنېنډېز همیشه د خپلې بې ګناهۍ دعوه کړې ده. د هغه وکیلانو ویلي د هغه انتخابي کېمپېن ته ورکړی شوي پېسې او د ډاکټر سولومن مېلګن نه اخیستل شوي ډالۍ چې په کې د ډاکټر په شخصي جېټ جهاز کې سفر او د پېرس سېل شامل و، رشوت نه و بلکې د دواړو د زوړ تعلق نخښه وه.

ډاکټر مېلګن ته په کال 2017 کې د درغلۍ په الزام سزا شوي وه خو پخواني صدر دغه سزا معاف کړه.

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG