لاس رسیدونکی لینک

Breaking News

ناېجیریا: په ځان وژونکي بریدونو کې ۱۸ تنه وژل شوي


په ناېجیریا کې پولیسو ویلي د هیواد شمال ختیځ ښار مادي ګورو سره نژدې د کبانو په یو بازار کې دریو ځان وژونکو برید ګرو په یو برید کې لږ تر لږه ۱۸ عام خلک وژلي او ۲۲ نور يې ژوبل کړي.

چارواکو ویلي دغه برید کونکو د جمعې په ماښام ۸:۳۰ بجې په دغه بازار کې هغه مهال برید کړی چې په دغه مارکیټ کې ډیره ګڼه ګوڼه وي.

تر دې دمه د دغه برید پړه چا نه ده اخستې خو وړاندې د دې نه په دغه هیواد کې بوکوحرام تندروه ګوند د ګڼ شمیر خونړو بریدونو پړه منلی.

مادي ګورو چې د بوکو حرام تندروه ګوند مرکز ګڼل کیږي وړاندې د دې نه دغه شان ګڼ بریدونه لیدلي.

په ناېجیریا کې د کال ۲۰۰۹م راهسې د بوکو حرام ګوند لخوا شوو بریدونو کې د ۲۰ زرو نه سېوا کسان وژل شوي او تر دوو میلینو سېوا خلکو خپل کورونه او سېمې پرېښودي.

XS
SM
MD
LG