د امن نوبل جایزه ګټونکي ملاله یوسفزۍ د کال ۱۹۹۷ د جولای په دولسمه نېټه د سوات په مېنګوره ښار کې زېږېدلې ده.
د ملګرو ملتونو مشر اېنټونیو ګوېټېرېس ترڅنګ د نړۍ مختلفو پيژندل شویو کسانو ملاله ته د هغې د زېږېدنې د ورځ په مناسبت مبارکي ورکړه او د هغې د خدماتو ستاینه یې وکړه.
ګوټېرېس د ټوېټر دلارې ملاله ته د زېږېدنې په ورځ مبارکي ورکړه او ويې وېل په داسې حال کې چې د جینکو د تعلیم په برخه کې خنډان راولاړ شوي دي د مخې نه زیات اوس "ستا د اواز او عزم ضرورت دی."
مېرمنو د تعلیم او حقونو دپاره د غږ پورته کولو په سر ملاله په نړیواله کچه نوم پېدا کړو.
په کال ۲۰۱۲ کې هغه د پاکستاني طالبانو په حمله کې زخمي وشوه خو د دې باوجود هغې د جنیکو د تعلیم دپاره خپل کوښښونه دلاسه ورنکړل او بالاخیر یې د ۱۷ کلونو په عمر کې د امن نوبل انعام وګټلو.
د افغانستان پخواني صدر حامد کرزي هم ملاله ته مبارکي ورکړه.
د امریکې پخواني صدر براک اوباما مېرمن مېشېل اوباما د ملاله د زېږېدو په ورځ په ټوېټر خپل پېغام کې وویل په دې موقع دې مېرمنې خپل احساست شریک کړي چې د ملالې د هلو ځلو قیصه څنګه دوی ته د مخکې تګ حوصله ورکوي.
