لاس رسیدونکی لینک

تازه خبر

د اوسلو غونډې په افغانستان کې د بشري حقونو په اړه بحث کړی


د ناروې د بشري حقونو د څېړنيز ليګ په نوم ډلې د ياد هېواد په سرښار اوسلو کې دوه ورځنۍ غونډه کړې چې پکې په افغانستان د بشري حقونو په عمومي ډول او په خاصه توګه د ښځو د حقونو جاج اخستل شوی. غونډه د نهې، سې شنبې په ورځ سرته رسېدلې ده.

په غونډه کې د نورو ترڅنګ د افغانستان د پاره د ملګرو ملتونو د بشري حقونو ځانګړي رپورټ کونکي رچرډ بېنېټ، په ناروی کې ميشت افغانانو او د حقونو کارمندانو ګډون کړی.

د غونډې په حقله څېړنيز ليګ په خپله ايکس پاڼه ليکلي چې ګډونوالو په افغانستان کې د روانو بشري حقونو د سرغړونو په حساب کتاب، د ښځو او جينکو د بشري حقونو، د جنګي صورتحال په ماشومانو د اغېزو، د ژوند د خطر سره مخ افغانانو د خونديتوب، افغانستان سره د بشري مرستو او په دوها کې د افغانستان په اړه د راروانې غونډې په تفصيل سره بحثونه کړي.

په کال 2021 کې د طالبانو د واک نيولو وروستو د طالبانو حکومت د شپږم ټولګي نه پورته د جينکو په تعليم بندېز لګولی، د ښځو په کار کولو او د ښځو بغير د محرم نه په کرځېدو بندېز دی چې ټوله نړۍ يې انديښمنه کړې ده خو طالبان د نړيوالو غوښتنو ته پام نه ګرځوي.

نزدې درې کاله پوره کيږي چې طالبانو د افغانستان واک نيولی خو حکومت يې لا تر اوسه يو هېواد هم په رسميت نه دی پېژندلی.

څېړنيز ليګ ليکلي په غونډه کې سپارښتنه شوې د هغه وخت پورې دې په افغانستان کې د حکومت سره د عادي چلن نه ډډه وشي تر څو په حکومت کې ښکاره بدلونونه ونه ليدل شي.

رچرډ بېنېټ په خپله ايکس پاڼه ليکلي ډېر خوشحاله دی چې د اوسلو په دوه ورځنۍ مثبته غونډه کې يې مېلمستيا وشوه او د مدني ټولنې لخوا راجوړې شوې ناسته کې يې په ناروی کې ميشت افغانانو سره ليدل کتل وشو. “افغان ښځو فعالانو بيا وهڅولم”.

بېنېټ ليکلي د غونډې بحثونه به د ريکارډ د پاره ډېر زر په يوټيوب او فوډکاسټ کې خواره کړل شي.

د کابل نه د وي او ای دفتر معلومات راکړي چې په غونډه کې د ګډونوالو افغانو ښځو د نومونو او نورې پېژندګلو تفصيل ميډيا ته نه دی ورکړل شوی.

خو دا د افغانستان په ځينې رسنيو کې رپورټ شوي چې د افغانو ښځو يوې وړې ډلې په غونډه کې د طالبانو د ځينې خواخوږو په ګډون ناخوښي ښودلې ده او احتجاج يې کړی.

Forum

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG