لاس رسیدونکی لینک

تازه خبر

اکسفېم: په دریو کې دوه برخې نړیوال دولت یوازې د یو فیصد شته منو خلکو په لاس کې دی


د امریکې دپاره د اکسفېم د اقتصادي انصاف مشر نبیل احمد وي او ای سره خبرو کې د دېوس غونډه د شته منو خلکو مېله وبلله
د امریکې دپاره د اکسفېم د اقتصادي انصاف مشر نبیل احمد وي او ای سره خبرو کې د دېوس غونډه د شته منو خلکو مېله وبلله

نړیوالې امدادي ادارې اکسفېم ویلي په تېرو ۲۵ کلونو کې په لومړي ځل په نړیواله کچه انتهايي غربت او انتهايي شتمه مني څنګ په څنګ زیاته شوې ده.

د دغه معاشي عدم مساوات د کمولو دپاره اکسفېم د ټېکسونو د منصفانه نظام غوښتنه کړې ده.

ادارې دغه خبره په داسې حال کې کړې ده چې د نړۍ د شته منو ملکونو تنظیم ورلډ اکنامک فورم غونډه د نهې، سه شنبې، په ورځ د سوېټرز لېنډ د سیاحت په مرکز دېوس ښار کې شروع شوه.

په دېوس کې د ورلډ اکنامک فورم غونډې ته د دنیا د امیر ترینو خلکو د ناستې په څېر کتل چې په بېلینونو ډالرو خرچه پې کېږي، د لسګونو حکومتونو وزیران او د بېنکونو مشران پکې شرکت کوي.

د اوکراین د صدر مېرمن اولېنه زېلېنسکي هم د نهې، سه شنبې، په ورځ د ورلډ اکنامک فورم سالانه غونډې ته وېنا وکړه او د غونډې ګډون والو نه يې غوښتنه وکړه چې د روس په ضد دې خپل اثر استعمال کړي.

د اېسوسي اېټېډ پرېس خبري ادارې ترمخه د ورلډ اکنامک فورم په غونډه کې شرکت دپاره د سلګونو په شمېره کې حکومتي چارواکي، د کاروباري دنیا مشران، دانشواران او فعالان دېوس ته رسېدلي دي.

ای پي وايي تر یوې هفتې پورې به د ورلډ اکنامک فورم د غونډې په موقع د لوږي، موسمي بدلون او په نړیوال اقتصادي پرمختګ کې د سست روۍ په شان په یو شمېر موضوعاتو خبرې اترې کېږي خو دا خبره هېڅ کله واضحه نه وي چې دا غونډه ترڅومره حد پورې کامیابېږي چې د دنیا حالت د ښه کولو د خپل عزم په لړ کې څومره عملي ګامونه اخلي.

د "سروایول اف دي رېچېسټ" یعني د شته منو خلکو بقا په عنوان خپل رپورټ کې چې د ګل، دوشنبې، په ورځ شایع شوی اکسفېم وویل د دنیا اربب پتیان خلک نور هم مالداره کېږي.

د امریکې دپاره د اکسفېم د اقتصادي انصاف مشر نبیل احمد وي او ای سره خبرو کې د دېوس غونډه د دولت مېله وبلله او ویې وېل په داسې حال کې چې دغه غونډه کېږي د دوی تحقیق ښښي چې د دنیا یو فیصد تر ټولو شته منو خلکو په تېرو دوو کلونو کې د نړۍ د دولت په دریو کې دویمه برخه دولت ترلاسه کړی دی.

نبیل احمد وویل شته منو خلکو په سټاک مارکېټونو کې ډیرې پېسې وګټلې او د ټېکس د ترقي پسند نظام د نیشت والي له امله يې جېبونو ته ډیره منافع یوړله.

د اکسفېم د اندازې ترمخه په نړیواله کچه یو اشاریه اووه بېلین کارکونکي په داسې ملکونو کې اوسېږي چې ګراني پکې زیاته ده او تنخاګانې پکې کمي دي او د دې په سبب غربت زیاتېږي. د خوراک او د توانای په قیمتونو کې او د ارب پتیانو په دولت کې اضافه شوې ده.

اکسفېم په خپل رپورټ کې وویل د خوراک او د توانای ګرانۍ د زیات امدن خلکو دپاره په ډرامايې انداز کې منافع ګټلې ده او د دغو توکیو کمپنو خپلو ارب پتي شراکت دارو ته په ریکارډ کچه زیاته پېسې ورکړي دي.

د اکسفېم نبیل احمد وویل د خوراک او توانای ۹۵ کمپنو د ۲۰۲۲ راهسې منافع دوچنده زیاته کړې ده.

اکسفېم غوښتلي چې په ارب پتیانو او لک پتیانو خلکو دې د ټېکس شرح تر پېنځه فیصد پورې زیاته کړی شي.

نبیل احمد وویل د اتفاق خبره دا ده چې که یو خوا د شته منو خلکو دولت زیات شوی نو د یو فیصد انتهايې شته منو خلکو ټېکس کم شوی دی. هغه وویل معاشي عدم مساوات ختمول ممکن نه دي خو پکار ده چې انتهايي شته من خلک منصفانه ټېکس ادا کړي.

د ورلډ اکنامک فورم صدر برګي برنده اېسوسي اېټېډ پرېس خبري ادارې ته وویل دنیا د اقتصادي مشکلاتو نه محفوظ ساتلو دپاره پکار ده چې د جنګونو او شخړو حل راوېستل شي، دنیا د اقتصادي بحران نه وساتل شي او په نړیواله کچه د ټول شموله اقتصادي پرمختګ دپاره دې همکاري وکړی شي.

یادونه: د دې خبر معلومات د وي او ای خبریال هېنري رېجوېل او د ای پي خبري ادارې نه اخیستل شوي دي

ځانګړې ویډیوګانې

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG