تیره میاشت د خیبر پښتونخوا په چارسده ضلع کې په باچا خان پوهنتون د طالب حمله کونکو د مرستې په لړ کې یو مشکوک وسله وال گرفتار شوی دی.
د پاکستان استخباراتي سرچینو د مسلح کس د گرفتارۍ تصدیق وي او ای ته کړی دی. استخباراتي مامورینو وویل مشکوک کس چې د حمله کونکو مرکزي مرسته کونکی وو د چارسدې سره نژدې نیول شوی دی.
پاکستاني طالبانو د جنورۍ په ٢٠ مه نیټه شوي په باچاخان یوهنتون د حملې ذمه واري قبوله کړې ده. د طالبانو په حمله کې په پوهنتنون کې د ٢٠ نه زیات کسان وژل شوي وو چې زیاتره طالب علمان وو.
د پاکستان د انگریزۍ ژبې ورځپاڼې ډان د نیول کس شناخت د وحید علي عرف ارشد په نوم کړی دی. اخبار وايي مشکوک کس تیره هفته په نوښار کې په داسې حال کې گرفتار کړی شوی چې افغانستان ته يي تگ کوښښ کولو. رپورټ وايي ارشد ږیره او سر خریلي وو، ټیکسي يي کړې وه چې ونیول شو.
