د لاهور هاي کورټ په کال ٢٠١٤ کې په پنجاب کې د عيساي ښځې او د هغې خاوند د ژوندي سوزولو په پيښه کې ککړ دوه مجرمان بري کړي خو د مذهب د سپکاوي په قضيو کې عيساي وګړو د قانوني مرستې یو تنظيم وايي دا پريکړه د فشار د لاندې شويده او په سپريم کورټ کې به یې چيلنج کوي.
په کال ٢٠١٤ کې راپاريدلې خلکو په کورټ رادها کشن کلي کې عيسايي مېرمن شمع او د هغې خاوند شهزاد مسيح د قران د سپکاوي په تورکې د خښتو په بهټې کې ژوندي سوزولې وو.
په دغه پېښه کې د ١٠٥ کسانو خلاف مقدمه درج شوې وه او بیا د تره ګرۍ ضد عدالت کې پنځو کسانو ته د مرګ او نورو ته دوه دوه کاله د قيد سزاگانې واورول شوې. وروسته اتوو مجرمانو د ترهګرۍ ضد عدالت فيصله په لاهور هايي کورټ کې چيلنج کړه.
د زيارت په ورځ د جسټس محمد قاسم خان په مشرۍ کې د لاهور هايي کورټ دوه کسيزه بينچ د کوټ رادها کشن د پېښې په مقدمه کې داخل کړی شویو اپيلونو پريکړه واوروله او دوه مجرمان حنيف او قاري اشتياق یې بري کړل.
عدالت په دې قضيه کې و ککړو دریو مجرمانو د مرګ سزاګانې پرځاې ساتلې دي.
د مقدمې د اوورونې پرمهال د مجرمانو وکيل عدالت ته وویل چې د ترهگرۍ ضد زېلي عدالت د قانون په پام کې د ساتلو پرته فيصله ورکړې او په دې پيښه کې ککړ ټول مجرمان وروسته نومولې شوې وو نو بايد چې عدالت هغوي خوشې کړي.
بلخوا سرکاري وکيل دريځ خپل کړی چې د ګردو مجرمانو پرضد کوټلي شواهد موجود دي او عدالت دې د دوي اپيلونه خارج کړي.
پاکستان کې د مذهب د سپکاوي د تورونو سره مخ عيسوي لږکيو ته قانوني مرسته ورکونکي غير دولتي تنظيم کلاس مشر جوزف فرانسس وي او ای ډیوه سره خبرو کې د لاهور هايي کورټ دا پريکړه غلطه بللې او واي دا د فشار د لاندې ورکړی شويده.
هغه واي دا فيصه به سپريم کورټ کې چيلنج کوي .
پاکستان کې د مذهب سپکاوې يوه حساسه معامله ګڼل کيږي او په قانون کې د تورن تن لپاره د مرګ سزا ټاکل شويده خو اکثر په ليدو کې راځي چې راپاريدلې اکثريتي مسلمانان په خپل سر دغه شان مقدمو کې ککړ تنان ووژني.
څيړونکي واي ، پاکستان کې د مذهب د سپکاوي قانون زياتره په شخصي جگړو کې په غلطه توگه استعمالیږي او د بشري حقونو نړيوال او کورني تنظيمونه پدې قانون کې د بدلون غوښتنې کوي .
