لاس رسیدونکی لینک

تازه خبر

د پاکستان د بهرنيو چارو وزارت ویلي ترهګري د پاکستان او افغانستان شريکه اندېښنه ده ‏


پاکستان د زیارت/ پنجشنبې په ورځ په کندهار کې د ترسره شوي ترهګر بريد غندنه کړې او د پاکستان د حکومت او خلکو لخوا د افغانستان سره خواخوږي ‏څرګنده کړې.
پاکستان د زیارت/ پنجشنبې په ورځ په کندهار کې د ترسره شوي ترهګر بريد غندنه کړې او د پاکستان د حکومت او خلکو لخوا د افغانستان سره خواخوږي ‏څرګنده کړې.

د پاکستان د بهرنيو چارو وزارت د افغانستان په کندهار کې ترهګر بريد په کلکه غندلی او ويلي يې دي، "ترهګري شريکه اندېښنه ده دواړه هيوادونه یې ‏په ګډه د هڅو له لارې حل ته اړتيا لري".‏

پاکستان د زیارت/ پنجشنبې په ورځ په کندهار کې د ترسره شوي ترهګر بريد غندنې سره، د پاکستان د حکومت او خلکو لخوا د افغانستان سره خواخوږي ‏څرګنده کړل شوې ده.‏ د بهرنيو چارو وزارت ويلي، "پاکستان د هر ډول ترهګرۍ غندنه کوي".‏

د افغانستان په جنوب کې پروت ښار کندهار کې د زيارت/پنجشنبې په سهار ځانمرګی بريد شوی، د رپورټونو ترمخه، په ياد بريد کې لږ تر لږه ‏‎20‎‏ کسان ‏وژل شوي او داعش یې ‏ذمه واري منلې وه.‏ ياد ځانمرګی بريد د کندهار د کابل بېنک ودانۍ مخې ته شوی چرته چې د عامو خلکو ګڼه ګوڼه وه.‏

امریکې هم په کندهار کې دغه بريد غندلی دی.‏

افغان رسنيو په کندهار کې د طالبانو د پوليسو د وياند اسدالله جمشېد له قوله ویلي وو، په بريد کې درې ملکي کسان وژل شوي او ‏‎12‎‏ نور ژوبل ‏شوي دي.‏ خو نیويارک ټايمز ورځپاڼې او بي بي سي په خپلو رپورټونو کې د وژل شوو شمېره د ‏‎20‎‏ نه زياته ويلې وه.‏

د بي بي سي د خبر ترمخه، داعش د بريد زمه واري منلې او ويلي یې وو، ځانمرګي یې د ‏‎150‎‏ پورې طالبانو په مينځ کې چاودنه کړې ده.‏

د پاکستان د بهرنيو چارو وزارت د افغانستان سره په ګډه د ترهګرۍ د حل لارې د اړتيا خبره کړې، چې په ‏‎18‎م مارچ پاکستان په افغانستان کې دننه بمباري ‏کړې، د حافظ ګل بهادر ډلې د وسله والو په نخښه کولو دعوه یې کړې ده.‏ په افغانستان کې واکمنو طالبانو د پاکستان بمباري غندلې او ويلي يې وو، په بمبارۍ کې اته تنه ښځې او ماشومان وژل شوي وو. ‏

د بمبارۍ وروسته د افغانستان د لوري په پوله (ډېورنډ) کرښه د پاکستاني ځواکونو ضد کارروايۍ دعوه هم شوې وه. ‏

پاکستان د اوږدې مودې نه تور لګوي، چې د کله نه طالبان په افغانستان واکمن شوي په پاکستان کې ترهګري او ناامني سېوا شوې او د افغانستان خاوره ‏د پاکستان پرضد د ترهګرۍ دپاره کاريږي.‏ خو په افغانستان کې واکمن طالبان تل د پاکستان دا تورونه ردوي او وايي د خپل امنیت زمه واري دې په دوی نه ور اچوي.‏

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG