لاس رسیدونکی لینک

تازه خبر

هند پاکستان سره د کرکټ سیریز لوبه ولو نه انکار کړی دی


که څه هم د پاکستان او د هندوستان ټیمونه د جون په ۴مه نیټه د چیمپینز ټرافۍ په مقابلو کې په انگلینډ کې جنگیږي خو روایتي حریفانو د کال ٢٠١٢ راهسې د یو بل سره دوه اړخیزه سیریز نه دی کړی
که څه هم د پاکستان او د هندوستان ټیمونه د جون په ۴مه نیټه د چیمپینز ټرافۍ په مقابلو کې په انگلینډ کې جنگیږي خو روایتي حریفانو د کال ٢٠١٢ راهسې د یو بل سره دوه اړخیزه سیریز نه دی کړی

د پاکستان او د هندوستان د کرکټ مامورین به د دواړو هیوادونو ترمنځ د کرکټ سیریز په موضوع خبرو اترو دپاره په دوبۍ، متحد عرب اماراتو، کې غونډه کوي په داسې حال کې چې د هند د کرکټ چارواکي وايي ترهگرۍ د پاکستان د ملاتړ په وجه گاونډي هیواد سره د لوبې امکان نشته.

که څه هم د پاکستان او د هندوستان ټیمونه د جون په ۴مه نیټه د چیمپینز ټرافۍ په مقابلو کې په انگلینډ کې جنگیږي خو روایتي حریفانو د کال ٢٠١٢ راهسې د یو بل سره دوه اړخیزه سیریز نه دی کړی.

د هند د لوبو وزير وجې ګوئيل ويلي په موجوده حالاتو کې د پاکستان سره کرکټ نشي کیدی.

"ترهگري او لوبې لاس په لاس نشي تللی،" گوئیل وویل. هندوستان په پاکستان الزام لگوي چې په کشمیر کې د بیلتون خوښو ملاتړ کوي، پاکستان دا خبره ردوي.

هغه وویل بي سي سي ايي به پاکستان ته د سیریز تجویز ورکولو نه وړاندې د حکومت سره خبرې اترې کوي.

بلخوا، د پاکستان د کرکټ چارواکي خپل هندي هم همکارانو سره د خبرو اترو لپاره دوبۍ ته روان شوي دي.

د پاکستان کرکټ بورډ چيئرمین شهريار خان، د ايکزېکټيو کميټۍ مشر نجم سيټهي او چيف اپرېټنګ مشر سبحان الله د هند کرکټ بورډ مشر سره لیدو دپاره دوبۍ ته تللي دي.

د لاهور د هوایي ا‌‌‌‌‌‌ډې نه د روانیدو په وخت نجم سيټهي وايس اف امريکا ته ويلي دوي دوبۍ ته د هند کرکټ بورډ (بي سي سي ائي) مشر سره ليدو دپاره ځي چې د پاکستان سره د کرکټ سيريز نه کولو په سر ورسره خبرې وکړي.

نجم سيټهي وويل چې د دوي اوصولي موقف دی چې هند دې د پاکستان سره د کرکټ لوبه وکړي او د انکار په صورت کې دې جرمانه ادا کړي.

له دې وړاندې د بي سي سي ائي سيکتر اميتاب چوهدري ويلي وو دوې ته د پاکستان سره په لوبه کوم اعتراض نشته خو د دواړو هیوادونو حکومتونو خوښې ته اړتیا لري.

د پاکستان کرکټ بورډ مشر شهريار خان واېس اف امريکا ته ويلي چې هند د پاکستان سره په کال ۲۰۱۴ کې د لوبو کولو تړون لاس ليک کړی دی او پاکستان د هغه تړون پاسداري کوي خو هند یې د وفا کولو نه انکاري دی. او دوبۍ ته تګ هم د دويې د دغه لړۍ برخه ده.

د تړون ترمخه د کال ۲۰۱۵ نه ۲۰۲۳ پورې د هند او پاکستان ترمينځه شپږ کرکټ سيريزونه کول وو، او د هغې نه کېدو په صورت کې پاکستان د هند نه تاوان غوښتی دی خو د هند کرکټ بورډ وايي دغه ‌‌‌‌‌‌ډول کوم قانوني تړون يي نه دی کړی.

  • 16x9 Image

    فضل عزیز

    فضل عزيز په کراچۍ کې د وي او اې ډيوه خبريال دی په سياسي، تعليمي، صحت او کلتور سره په ټولنيزو موضوعاتو وېب، رېډيو او ټيلي ويژن ته رپورټونه جوړوي او په ځانګړو موضوعاتو ليکل هم کوي. د کراچۍ د اردو پوهنتون نه يې د جرنلزم او کراچۍ پوهنتون نه يې د نړيوالو اړيکو د ماسټرۍ ډګريانې ترلاسه کړي دي.​

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG