د پیرس حملې په خپله غاړه اخیستونکې وسله واله ډله داعش په پاکستان کې هیڅ وجود نه لري او د هیواد حکومتي ادارې به چاته هم اجازت ور نه کړي چې دغې ډلې سره خپل تړون وکړي، دا خبرې د پاکستان خارجه سیکریټري اعتزاز چوهدري خبریالانو ته کړې دي.
ښاغلي چوهدري او د پاکستان د قامي اسمبلۍ سپیکر ایاز صادق د پیرس په حملو کې په مرگ ژوبله غمرازي څرگنده کړه. ایاز صادق وویل پیښور نه د پیرس پورې د ترهگرۍ حملو په شا ذهنیت د پاکستان او د انسانیت دښمنان دي.
ښاغلي صادق په څرگنده توگه د پیښور په ارمي پبلک سکول طالبانو د حملې ذکر کوو چې پکې ١٥٠ کسان، زیاتره ماشومان، وژل شوي دي.
په پاکستان کې داعش د موجودگۍ په اړه وینا کې اعتزاز چوهدري وویل د هیواد حکومتي ادارې صلاحیت لري چې د ډلې لخوا د خطر مخه ونیسي. هغه وویل حکومتي ادارو د اقداماتو په نتیجه کې پاکستان کې د ترهگرۍ پیښې کمې شوي دي.
پاکستاني چارواکې په هیواد کې داعش د موجودگۍ خبره ردوي. خو د هیواد په مختلفو ښارونو کې وخت په وخت د داعش په دیوالونو لیکل شوي نعرې او شب نامې ښکار شوي دي. ددې تر څنگ د طالبانو نه بیلې شوي یو ډلې داعش سره د الحاق اعلان کړی او د ځېنې حملو ذمه واري يي هم په غاړه اخیستې ده.
د مامورینو د دعوو برعکس، مطبوعاتي رپورټونه وايي پولیسو په ځېنې ښارونو کې داعش سره د تعلق په شک کې د یو شمیر کسانو د گرفتارولو خبره هم کړې ده.ټ
د ښاغلي چوهدري او ښاغلي ایاز صادق د وینا نور تفصیل اسلام آباد نه د وی او ای خبریال اورنگ زیب خان رپورټ کې اوریدی شۍ:
