لاس رسیدونکی لینک

Breaking News

په ګرد پاکستان کې د کوټې د وژل شوو وکیلانو په یاد کې کاربندیز شوی


نن د پاکستان د وکيلانو سازمان درې کاله وړاندې په کوټه کې په بمي بريد کې د وژل شوو وکيلانو په ياد کې احتجاجي مظاهره وکړه هغوي د عدالتونو نه احتجاج وکړو او د اګست اتمهيې د تورې ورځ په توږه ولمانځله.

په کوټه کې د مظاهرو په وخت وکيلانو اوېل پاکستان د فاېز عیسی کمېشن عملي کولو په ځاېې د نوموړي جج په ضد کاروايې پېل کړې ده.

د وکيلانو د سازمان مشر امان الله کېنراني غونډې ته وېل،

" چې کوم رپوټ وو حکومت په هغې عمل نه دی کړی البته جسټس فاېز عيسیچا چې دغه رپوټ جوړ کړې وو د هغه خلاف يې عمل کړی دی او هغه يې د سپريم کوټ نه ويستلی دی".

په اتم اګست کال 2016م وکيلانو د بلوچستان بار اېسوسي اېشن مشر بلال انور کاسي د وژل کېدو په ضد د کوټې سول هسپتال مخې ته احتجاج کوو چې يوه ځان وژونکې حمله پرې وشوه. چې پکې 70 کسان په موقه اوژل شو، په وژل شوو کې د بلوچستان 56 وکيلان هم شامل وو.

د تحريک طالبان پاکستان جمات لاحرار ډلې او هم د داعش ډلې د دغې خونړۍ حملې ذمه واري قبوله کړې وه.

د تحريک طالبان جماعت الاحرار ډلې ترجمان احسان الله احسان مطبوعاتو ته د دغې ځانمرګي بريد ذمه واري په خپله غاړه اخستې وه، احسان الله احسان نن سبا د پوځ په ولقه کې دی.

په کوټه کې د احتجاج په وخت وکيلانو ويلي دغې ځانمرګي بريد د دوي يو پوره نسل له مينځه وړی دی.

د جوډیشل کمېشن غړي منېر کاکړ ويلي د جسټس فاېز عیسی کمېشن رپوټ د امنيتي ادارو په ضد وو،او د دغسې ناوړه پېښو د مخ نيوي په لړ کې امنيتي ادارو ته وړانديزونه ورکړل شوي دي.

وکيلان وايې دوي وخت په وخت د پوځي ډکټېټرانو په ضد مبارزې کوي ځکه نو دوي د ترهګرۍ او تشدد ښکار کېږي او پکار ده چې حکومت د دوي د حفاظت لپاره ګامونه واخلي.

په کوټه کې درې کاله وړاندې په وکيلانو ترسره شوې ځانمرګي بريدپه ضد په نني احتجاج کې د بلوچستان د وکيلانو ترڅنګ د خېبر پښتونخوا پنجاب سند او د پاکستان د ولقې لاندې کشمير وکيلانو هم ګډون وکړو.

  • 16x9 Image

    بختور شاه

    بختور شاه په واشنګټن ډي سي کې د وي او ای ډيوه لپاره په قبايلي سيمو، تعليم او شعرو شاعرۍ خپرونې کوي، د بي بي شیرېنې پروگرام کوربه دی او د ډیوه د ویب پاڼې لپاره ځانګړي بلاګونه ليکي. په انګرېزي ادب کې د پېښور يونيورسټۍ نه ماسټر ډگري لري او شاعري هم کوي

     

XS
SM
MD
LG