لاس رسیدونکی لینک

Breaking News

شهباز شریف:شتمنو هیوادونو نه به موسمي بدلون څخه د اوښتو زیانونو معاوضه غواړو


د پاکستان وزيراعظم شهباز شريف وېلي په پاکستان د پورونو پېټی یا بار ددغه هېواد د سېلاب د بدو اغېزو څخه د راوتلو په لاره کې لويې خنډ دی

په داسې حال کې چې پاکستان د وروستيو سېلابونو د بدو اغېزو څخه د وتلو په حال کې دی، ددغه هېواد وزير اعظم شهباز شريف د ګل په ورځ د مصر ښار شرم الشېخ کې د موسمياتي بدلون نړیوال کانفرنس ته وېلي چي د هغه هېواد ته به په پورونو کې د اسانتیا ورکولو ضرورت وي او هغه به د نړۍ د شتمنو هېوادونو څخه د موسمياتي بدلون څخه د اوښتي تاوان معاوضه هم غواړي.

د پاکستان د حکومت د شمېرو ترمخه د وروستيو سېلابونو له کبله د هېواد اقتصاد ته نزدې د 30 اربو ډالرو زيان اوښتی دی او د 3 کروړو څخه زيات خلک اغېزمن شوي،

ددې ترڅنګ دسیلابونو له امله په پاکستان کې په لويه کچه سړکونه، کورونه او سکولونه هم تباه شوي دي.

د اقتصادي او ماحولياتي چارو پوهان وايي پاکستان ته به د سېلاب له کبله د قامي ځاندرې د بحالۍ ترڅنګ د کروندې د زمکو په رغونه کې نړيوالې مرستې پکار وي.

د تېر ګل په ورځ د مصر ښار شرم الشېخ کې د ملګرو ملتونو په تابیا راجوړ شوي موسمياتي کانفرنس ته د وېنا په مهال د ملګرو ملتونو عمومي منشي انتوينيو ګوېترس او د پاکستان وزيراعظم شهباز شريف وېلي په پاکستان د پورونو پېټی یا بار ددغه هېواد د سېلاب د بدو اغېزو څخه د راوتلو په لاره کې لويې خنډ دی.

دپاکستان د وزير اعظم شهباز شريف وېنا وه چې په مېلیونو سېلاب ځپلي په داسې وخت کې د ژمي د ېخ موسم سره مخامخ کېږي چې ښځې او ماشومان د خپلو بنيادي ضرورتونو په اړه د حکومت لارې څاري.

ښاغلي شريف وويل د سلاب له کبله هېواد ته د 30 اربو ډالرو د نقصان اندازه لګول شوې ده خو مېلیونو خلکو ته د خوراک او نور اسانيو د رسولو لپاره نور هم کار پکار دی.

پاکستان او د موسمياتي بدلون څخه اغېزمن هېوادونه د ملګرو ملتونو د مصر په کانفرنس کې د موسمي بدلون نه اغېزمنو هېوادونو لپاره معاوضه هم غواړي او وايي د نړې هغه شتمن هېوادونو دې تاوان ورکړي چې د چاپیریال په خيچن والي کې زياته ونډه لري.

د ملګرو ملتونو عمومي منشي هم د ستمبر په مياشت کې د پاکستان د سېلاب څخه د اغېزمنو سيمو سفر کړی ؤ په نړيوالې رورولۍ په ځانګړي توګه پور ورکوونکو ادارو ورلډ بېنک څخه ېې غوښتي وو چې د پاکستان په ګډون د موسمي بدلون څخه داغېزمنو هېوادونو مرستې وکړي او د قرضو په اړه دې خپلو تګلارو کې اصلاحات راولي.

که څه هم په پاکستان کې د وروستیو سیلابونو نه زياتره اغېزمنو خلکو خپلو سیمو ته د ستنېدو عمل پېل کړې خو د سیند صوبې ښکتنۍ علاقې لاهم په سېلابي اوبو کې ډوبې دي.

د موسمياتي بدلون په چارو نظر لرونکی او د چاپیریال ماهر ډاکټر نفيس ډيوه ته وايي پاکستان ته به د اقتصاد ترڅنګ د کرکيلې د ويجاړ شوو زمکو د بحالۍ هم ضرورت وي.

ښاغلی نفيس وايي ددې سېلاب له کبله د زمکو خاورې بهېدلي او ذرخېزه زمکې یې وړي دي او ددې د بحالۍ به هم ضرورت وي.

د مصر ښأر شرم الشېخ کې د موسمي بدلون کانفرنس ته وېنا کې د ملګرو ملتونو عمومي منشي وویل" ټول انسانیت زموږ په دور کې د ماحولياتي بدلون ضد مبارزه کې شامل شوی دی ځكه چې د موسمياتي بدلون له کبله په وچ کالۍ، سېلابونو او نړيواله تودوخه کې اضافه ليدل کېږي"

اسلام اباد کې د مالي او اقتصادي چارو د څېړنې دخپلواکه ادارې پاکستان انسټیټیوټ اف ډوېلپمنټ اکنامکس څېړنکار شاهد محمود ډيوه ته وايي د امريکا په ګډون د نړۍ يو شمېر هېوادونو تر اوسه پورې د پاکستان د سېلاب ځپلو سره نزدې د 800 مېلیونه ډالرې مرستې کړي دي خو زياتوي چې اوس مهال د نړۍ شتمن هېوادونه هم د اقتصادي ستونزو سره مخ دي.

هغه وايي که پاکستان د موسمي بدلون په لړ کې د نړۍ څخه صرف په دې علت مرستې او پورونو کې اسانتیاوې غواړي چې دغه هېواد د موسمي بدلون اثراتو ځپلې دی نو دا به ګرانه وي.

هغه واي سعودي عرب، متحده عرب اماراتو، چين، امریکا او جرمني هم د پاکستان د پورونو ورکولو نېټې وروسته کړي دي او دې پاکستان ته له مخکې څخه په مالي چارو کې اساني ورکړې ده.

ښاغلی شاهد بيا وايي تر څو چې پاکستان د موسمي بدلون د بدو اغېزو څخه د ځان بچ ساتلو لپاره کومه عملي تګلاره نه وي جوړه کړې نو نړۍ هم مخکې نه نه شي راتللی ځکه چې په سوات کې د سيند په غاړه هوټلونو جوړولو کې د امریکا او شتمنو هېوادونو لاس نشته.

دشميرو ترمخه د پاکستان حکومت تر اوسه د سېلاب ځپلو سره د سملاسي مرستو لپاره 66 اربه اؤ 70 کروړه روپۍ امداد جارى کړی او سرکاري شمېرې ښايي چې تر دمه یې 26 لکو سېلاب ځپلو خلکو سره نغد امداد کړی دی.

ځانګړې ویډیوګانې

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG