لاس رسیدونکی لینک

Breaking News

پاکستان کې د پولیو پینځه نورې پېښې – ټوله شمیره ۱۲۸ ته ورسیده


پاکستان کې صحت چارواکو تر مخه د خالي په ورځ د بیلا بیلو سیمو نه د پولیو پینځه نوو پېښو رپورټ کیدو وروسته په ګرد هیواد کې د پولیو نه معذوره شوو ماشومانو شمیره ۱۲۸و ته ورسیده.

په تازه پېښو کې یوه د خېبر پښتونخوا په لکي مروت کې ثبت شوې چې ورسره یواځې په خېبر پښتونخوا کې په کال ۲۰۱۹م کې د پولیو نه معذوره شوو ماشومانو شمیره ۸۹ شوه. خېبر پښتونخوا په کال ۲۰۱۹م کې د پولیو نه تر ټولو زیاته متاثره شوې صوبه ده.

په کال ۲۰۱۹م کې یواځې په لکي مروت ضلعه کې د پولیو نه د ټول عمر لپاره معذوره شوو ماشومانو شمیره ۳۰شوه. د لکي مروت ضلعې د صحت چارواکو وي او ای ډیوه ته ویلي د پولیو تازه پېښه کې متاثره شوي ماشوم ته د پولیو واېرس د مخنیوي وېکسین نه دي ورکړل شوي.

په ورځ رپورټ شوي نوو پېښو کې دوه پېښې په بلوچستان او دوه نورې په سند ایالت کې رپورټ شوي دي.

د بلوچستان ایالت په جعفر اباد او کله عبدالله کې د پولیو نوو پېښو رپورټ کیدو سره سږ کال په بلوچستان ایالت کې ۱۱ ماشومان د پولیو واېرس د لاسه د ټول عمر لپاره د معذورۍ سره مخ شو.

که څه هم د پاکستان بلوچستان او خېبر پښتونخوا د ابادۍ په لحاظ د پنجاب او سند ایالتونو نه وړې صوبې دي خو د پښتنو په دغه دواړه ایالتونو کې د پولیو شمېرې د نورو صوبو نه څو چنده سېوا دي.

د ابادۍ په لحاظ د پاکستان تر ټولو لوې صوبې پنجاب کې په کال ۲۰۱۹م کې یواځې ۶ پېښې رپورټ شوي. هم دغه شان په سند ایالت کې په رپورټ شوو ۲۲ پېښو کې هم زیات تره د پښتنو په سیمو کې رپورټ شوي دي.

پاکستان کې پولیو ته د پښتنو واېرس هم وېل کیږي ځکه چې اکثره پښتانه مور او پلار خپلو ماشومانو ته د پولیو د څاڅکو ورکولو نه انکار کوي او د نورو صوبو نه د انکاري والدینو شمیرې ډېرې کمې مخې ته راځي.

پاکستان کې د ایالتونو په اساس په کال ۲۰۱۹م کې د پولیو شمیرې:

خېبر پښتونخوا: ۸۸

سند: ۲۲

بلوچستان: ۱۱

پنجاب: ۶

د خېبر پښتونخوا په بیلا بیلو سیمو کې په کال ۲۰۱۹م کې د پولیو رپورټ شوې پېښې څه په دې ډول دي:

لکي مروت: ۳۰

بنو: ۲۶

شمالي وزیرستان: ۸

تورغر: ۷

ټانک: ۶

ډي ايي خان: ۳

هنګو: ۲

باجوړ، چارسده، خېبر، مومند، شانګه، صوابۍ او جنوبي وزیرستان کې یوه یوه پېښه ریکارډ شوې.

چارواکو ويلي د پوليو دا تازه پېښې د هغو ماشومانو دي چې دوی ته د پوليو ضد څاڅکي نه وو ورکړی شوي. په پاکستان کې د پوليو دا تازه پېښې په داسې حال کې مخې ته راغلي چې په وروستیو کې د پوليو د مخنيوي د پروګرام چارواکو دعوه کړې وه چې په ملک کې يې د پوليو رنځ پرضد کامياب کمپاين کړی دی.

د پولیو د مخنيوي د پروګرام چارواکو د دسمبر په مياشت کې ترسره شوي کمپاين ته په داسې حال کې کامياب ويلي ؤ چې په ياد کمپاين کې ويل شوي دوه لاکه ماشومان د پوليو ضد څاڅکو ورکولو نه پاتې شوي هم وو.

د بېړنو عملیاتو د قومي مرکز رابطه کار ډاکټر رانا صفدر د دسمبر په مياشت کې ويلي ؤ، "د روان (۲۰۱۹) کال اپرېل په میاشت کې دوه نيم ملينه ماشومان د پولیو څاڅکو څخه پاتې شوي وو او په دې وروستي کمپاين کې دا شمېره دوه لاکه ته راټيټه شوې ده".

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG