لاس رسیدونکی لینک

Breaking News

د جماعت الدعوه کالعدم ډلې مرستیال امیر مولانا عبدالرحمن مکي په پنجاب کې ونیول شو


د پاکستان د پنجاب صوبې امنيتي چارواکو د لا قانونه مذهبي تندروه تنظيم جماعت الدعوه د مشر حافظ سعيد اوښې او د دغه تنظيم مرستيال امير مولانا عبدالرحمن مکي نيولی دی.

ځایي مطبوعات د کورنیو چارو د وزارت د سرچينو له قوله وایي، عبدالرحمن مکي د پنجاب صوبې د ګوجرانواله څخه د راپاروونکي تقريرونو او امن ته د خطر په تور کې نيول شوی دی.

عبدالرحمن مکي د جماعت الدعوه مرستيال امير و او د تنظيم سياسي او نړيوالې چارې به یې هم څارلې.

د لا قانونه جماعت الدعوه د نايب امير دا ګرفتاري په داسې وخت کې مخې ته راغلې چې د چين ښار ګوانګ کې د مني لاندرنګ یا د ناقانونه پیسو سپینولو او د ترهګرو د مالي مرستو په لړ کې د پاکستان د پورته کړاې شویو ګامونو د جاج اخیستو دپاره د اېف اې ټي اېف غونډه روانه ده او په دې غونډه کې شريک د پاکستان پلاوی به اېف اې ټي اېف ته د پورته کړای شویو ګامونو خبر ورکوي.

څيړونکي وایي، په ليدو کې راغلي چې کله د اېف اې ټي اېف غونډه کيږي او يا کوم نړيوال فشار راځي، نو پاکستان په عمومي ډول د لاقانونه جماعت الدعوه پرضد داسې عمليات کوي.

ښکاره دې وي چې د امريکا حکومت کال ٢٠١٢ کې د عبدالرحمن د نيولو دپاره ٢ ميلینه ډالره انعام هم اعلان کړې وو.

مطبوعات د امنيتي چارواکو له قوله وایي چې مکي به د مني لانډرنګ (د ناقانونه پیسو سپینولو) او د ترهګرو د مالي مرستو په اړه هم د پاکستان په ګامونو سخت ټکونه کول.

امریکا د عبدالرحمن مکي پر سر دوه میلینه ډالره انعام ایښی دی
امریکا د عبدالرحمن مکي پر سر دوه میلینه ډالره انعام ایښی دی

د لاقانونه ډلو په تاريخ نظر لرونکي خبريال قلب علي ډيوه ته وایي پدې کې شک نشته چې مکي د جماعت الدعوه د سر په مشرانو کې يو وو .

قلب علي زياتوي چې ښاغلی عبدالرحمن مکي د دفاع پاکستان په هلوځلو کې هم يو متحرک کردار لوبلو.

سږ کال په جنوري کې د پاکستان په لوړپوړو پوځي او سياسي مشرانو گډې د قامي سلامتيا کميټې هم په جماعت الدعوه او فلاح انسانيت فاونډيشن سردوباره بنديز لګولې وو او له هغې يوه مياشت وروسته حکومت د هغو ډلو د بينکي کهاتو او شتمنیو د تړلو امر کړې وو کومې چې د اقوام متحده د امنيتي شورا لخوا بندې کړای شوې وې، او بيا یې په ګرد هېواد کې ددغو تنظيمونو د څار لاندې ١٨٢ مدرسې او د ١٠٠ څخه زيات فعالين نيولې وو. د پنجاب حکومت په دې ترڅ کې د دواړو ډلو د لاهور مرکزي دفتر هم په خپله ولکه کې اخیستی وو.

XS
SM
MD
LG