لاس رسیدونکی لینک

Breaking News

په کوټه کې ځانمرگي حملې لږ تر لږه اووه کسان ووژل، ١٣ زخمیان دي


پولیس افسر عبدالرزاق چیمه زياته کړه چې د پوليسو يو سرتيري مشکوک حمله کونکي د راګرځولو په نيت ودرولو خو هغه ھم په دغه وخت چاودېدونکي مواد خلاص کړل

د کوټې ښار په جناح روډ د ضلعۍ عدالتونو او پرېس کلب سره نژدې په په ځانمرگي بم چاودنه کې د پولیس او هسپتال د چارواکو په وینا لږ تر لږه اووه کسان وژل شوي او ٢١ نور زخمیان دي.

د پوليسو مرستيال مشر ډي ايي جي عبدالرزاق چيمه له رسنيو سره په خبرو کې وويل چې يو ځوان هلک ځانمرګي بريد وکړه.

د چيمه په وينا چې د بريد په وخت د مذهبي ډلي اهل سنت والجماعت د پلويانو لارويون تيريدلو چې چاودنه وشوه او داسې ښکاري چې حمله کوونکی هم دغه احتجاج په هدف کولو.

پولیس افسر عبدالرزاق چیمه زياته کړه چې د پوليسو يو سرتيري مشکوک حمله کونکي د راګرځولو په نيت ودرولو خو هغه ھم په دغه وخت چاودېدونکي مواد خلاص کړل.

د ښاغلي چيمه په وينا چې په پېښه کې په وژل شویو کسانو کې دوہ د پولیس او یو د لېویز عسکر هم شامل دي. چیمه زیاته کړه د پوليس سرتيرو د ځان قرباني ورکړه خو د خلګو ژوندونه يې وژغورل.

له پيښې ورستو په ګنړ شمير امنيتي ځواکونه د پيښې ځايي ته ورسيدل، ثبوتونه يې راغونډ کړل او د پيښې پلټنې یې شروع کړې.
بلخوا، د بلوچستان اعلا وزير جام کمال او داخله چارو وزير مير ضيا لانګو پيښه په کلکو ټکو وغندله او د پيښې د پلټنو امر يې وکړو.
د پيښې پر ضد پر ټولنيزو رسنيو ټينګ غبرګون او پر حکومت نيوکې شوې او له ايالتي حکومت څخه يې د خلګو د ژوند خوندې ساو غوښتنه کړې.

په سمدستي ډول د گل، دوشنبې، په ورځ په کوټه کې د ورستۍ حملې ذمه واري چا په غاړه نه ده اخېتسې. خو داعش او ځینو نورو وسله والو ډلو په صوبه کې د شویو ځینو بریدونو مسولیت منلی دی.

حکومتي مامورین په مسلح بلوڅ بېلتون خوښو ډلو هم په امنیتي ځواکونو د حملو پړه اچوي.

د سږ کال د جنورۍ په میاشت کې د کوټې په یو جومات کې چادونې د یو لوړ رتبه پولیس افسر په شمول د ١٢ نه زیات کسان ووژل.

  • 16x9 Image

    حفیظ الله ستوری شېرانی

    حفیظ الله ستوری شېرانی په بلوچستان کې د وي.او.اې ډیوه د خبریال په توګه کار کوي. هغه له بلوچستان پوهنتون څخه په جرنلزم او پښتو ادبیاتو کې ماسټرۍ کړې دي او له تېرو اوو کلونو راهیسې د جرنلزم په میدان کې کار کوي. شپږ کاله یې د پاکستان له (ډان) ټیلیویژن سره د خبریال په توګه کار کړی او په بېلابېلو ورځپاڼو کې یې کالمونه هم لیکلي دي. په بلوچستان کې د ډیوه رېډیو او ټیلویژن لپاره د ملټي مېډیا په برخه کې پر بېلابېلو سیاسي، کلتوري او ټولنیزو موضوعاتو رپوټونه جوړوي.

     

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG