لاس رسیدونکی لینک

Breaking News

پاکستان وايي هېڅ یو ملک ته به اجازه نه ورکوي چې ترهګرو ته پناه ورکړي


د اېن اېس سي د غونډې په اړه مطبوعاتو ته جاري کړی شوي سرکاري بیان کې دا نه وېل شوي چې کوم ملک ترهګرو ته پناه یا اسانتیاوې ورکوي

د پاکستان نېشنل سېکیورټي کمېټي یا د قامي سلامتیا کمېټۍ ویلي هېڅ یو ملک ته به اجازت نه ورکوي چې ترهګرو ته پناه او سهولتونه ورکړي او پاکستان د حق خوندي لري چې د خپل ولس تحفظ وکړي.

د پاکستان د سرکاري خبري ادارې ای پي پي ترمخه، اېن اېس سي د ترهګرۍ په ضد دغه ژمنه د ګل، دوشنبې، په ورځ د غونډې په دویم نشست کې وکړه. د اېن سي بله ناسته د جمعې په ورځ شوي وه. د اېن اېس سي غونډې د وزیراعظم شهبازشریف په مشرۍ کې وشوې.

د رپورټ ترمخه اېن اېس سي په خېبرپښتونخوا او بلوچستان کې په خصوصي توګه د ترهګرۍ ورستیو واقعاتو ته توجه وکړه.

د اېن اېس سي د غونډې په اړه مطبوعاتو ته جاري کړی شوي سرکاري بیان کې دا نه وېل شوي چې کوم ملک ترهګرو ته پناه یا اسانتیاوې ورکوي.

پاکستاني چارواکي د ډیر وخت راهسې دا خبره کوي چې کالعدم مسلح ډله تحریک طالبان پاکستان یا ټي ټي پي په افغانستان کې پټن ځایونه لري.

په دې لړ کې ورستی بیان د پاکستان د داخله چارو وزیر رانا ثناالله ورکړی و او ویلي يې وو چې که افغانستان د تندلارو مرکزونه لمنځه یو نه ړل او مطلوب خلک یې پاکستان ته ونه سپارل نو پاکستان سره دا قانوني صلاحیت شته چې په افغانستان کې دننه د تندلارو مرکزونه پخپله وځپي. د پاکستان داخله وزیر دا خبرې د اېکسپرس نیوز سره په مرکه کې کړي دي.

د رانا ثناالله د بیان په جواب کې د افغانستان واکمنو طالبانو خبرداری وکړو چې "افغانستان لاوارثه ندی" او دوی (طالبان) آماده دي چې د خپل هېواد د علاقایي سلامتي او آزادۍ نه دفاع وکړي.

د طالبانو دفاع وزارت، چې مشري یې د طالبانو د تحریک باني او پخواني مشر ملا محمد عمر وزی ملا یعقوب کوي، د اتوار/یکشنبې په ورځ په یوې اعلامیه کې د رانا ثناالله خبرو ته ردعمل څرګند کړو.

د طالبانو اعلامیي د پاکستان د کورنیو چارو د وزیر دا خبرې چې ګني افغانستان کې دننه د ټي ټي پي مراکز شته دي او پاکستان په دغو مرکزونو حملې کولی شي "پاروونکې او بې اساسه" بللي دي.

په اعلامیه کې ویل شوي چې "د پاکستاني چارواکو دا ډول ادعاوې د دواړو ګاونډیو او وروڼو هېوادونو ښې اړیکې زیانمنوي."

طالبانو دا دعوه هم کړې چې د پاکستاني طالبانو مرکزونه پخپله پاکستان کې دي او په دې اړه ګني شواهد هم موجود دي.

تېره هفته د پاکستان د بهرنیو چارو وزارت ویلي و چې پاکستان د افغان چارواکو سره دګډې پولې دښه انتظام، د ډپلوماټانو دامنیت پراخولو اؤ د ترهګرۍ د مخنیوي په ګډون په یو لړ مهمو ستونزو خبرې اترې کوي.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG