د جنوبي وزیرستان مرکزي ښار وانه سره نزدې د نهې یا سه شنبې په ورځ د امینتي ځواکونو یوې قافلې سره د بم چاؤدیدو په نتیجه کې یو عسکر وژل شوی او پنځه نور زخمیان شوي دي.
د عسکري سرچینو د وینا ترمخه، چاودنه د وانه رستم بازار سره نزدې په بائي باس سړک وشوه. په پوځي قافله د حملې ورسته، عسکرو سیمه کې سرچ اپریشن یا د لټون کاروائي شورو کړه او غیر اعلانیه کرفیو یا گرځ بندیز يي ولگولو.
ویل کیږي چې امینتي ځواکونو ځېنې مشکوک کسان نیولې هم دي خو سرکاري مامورینو په رسمي توگه چا د گرفتارۍ تصدیق نه دی کړی.
جنوبي وزیرستان کې په امینتي ځواکونو حمله په داسې حال کې شوي ده چې یوه ورځ وړتاندې په شمالي وزیرستان کې د وسله والو په حمله کې د پوځ یو افسر ووژلی شو او عسکرو په جوابي کاروائي کې د پنځه وسله والو د وژنې تصدیق وکړو.
تیر کال جون د میاشت راهسې پاکستاني امینتي ځواکونو شمالي وزیرستان کې د ضرب عضب په نوم وسله والو خلاف اپریشن شورو کړی دی او چاوراکې اپریشن کې د سلگونو په شمیره کې وسله والو د وژلو دعوه کوي خو طالبان دوي ته تلافاتو په اړه حکومتي دعوې ردوي.
