لاس رسیدونکی لینک

Breaking News

جميعت علماء اسلام (ف) د طالبانو په معامله ولې د پاکستان د حکومت حمایت کوي؟


د جميعت علماء اسلام (ف) مشر مولانا فضل الرحمان چې د پاکستان د اوسني حکومت سخت مخالف او د حزب اختلاف ګوندونو ايتلاف پاکستان جمهوري غورځنګ مشري کوي د حکومت دریځ سره هم غږي ښکاره کوي او تېره ورځ يې غوښتنه وکړه چې پاکستان دې د طالبانو حکومت په رسميت وپېژني

په افغانستان د واکمنۍ ترلاسه کولو وروسته تر اوسه کوم هېواد د طالبانو حکومت په رسميت نه دی پېژندلی او يو اړخته چې پاکستان په حکومتي کچه د طالبانو دپاره د نړۍ څخه د ملاتړ لاس ته کولو هڅې کوي نو بل لوري ته د پاکستان مذهبي سیاسي ډلو هم د طالبانو په رسميت د پېژندلو دپاره غږونه پورته کول شروع کړي دي.

د جميعت علماء اسلام (ف) مشر مولانا فضل الرحمان چې د پاکستان د اوسني حکومت سخت مخالف او د حزب اختلاف ګوندونو ايتلاف پاکستان جمهوري غورځنګ مشري کوي د حکومت دریځ سره هم غږي ښکاره کوي او تېره ورځ يې غوښتنه وکړه چې پاکستان دې د طالبانو حکومت په رسميت وپېژني.

د پېښور پوهنتون د سيمه یيزو مطالعاتو مرکز پخواني مشر پروفېسر سرفراز وي اوای ډيوه ته وويل دغه ډېر يو عجيبه منطق دی چې په پاکستان کې مولانا فضل الرحمان هم په دې دليل د حکومت مخالفه دې چې دی ګڼي په ټاکنو کې درغلې شوې دي خو بيا په افغانستان کې هغه څوک چې په زور او بې له ولس له رايو يې حکومت نيولی نو دی غواړي چې په رسميت اوپېژندل شي ۔

نه يوازې د مولانا فضل الرحمان ګوند بلکې قریباً هرمذهبي سياسي ګوند د طالبانو په ملاتړ څرګندونې کړي دي.

کابل ته د طالبانو ور ننوتلو په دویمه ورځ جماعت اسلامي په پېښور کې پوسټرې او بېنرې خورې کړې وې چې پکې د طالبانو د واکمنۍ هر کلی شوی و.

هم دا ډول تېره ورځ د ١٣ مذهبي سياسي ګوندونو ايتلاف د پېغام پاکستان کانفرنس دلارې په پېښورکې يو لاريون وکړو چې دوی پکې د نړۍ څخه د طالبانو دحکومت په رسميت د پېژندنې غوښتنې وکړې۔

پروفېسرسرفراز وايي د داسې کولو سره نه ويني چې په نړۍ به کوم فشار راشي خو البته دغه غږونه ګونه پورته کېدو سره به د پاکستان دپاره کومې مثبتې اغېزې و نه لېدل شي ۔

ځکه چې پاکستان به وړاندې ويل چه په طالبانو يې اغېز نشته او اوس د طالبانو د ملاتړ دپاره د نړۍ سره په ډېپلوماسي اخته دې چه مطلب يې دا دی په دوي د پاکستان اغېز شته دې او هم ځکه بيا دغه مذهبي سياسي ګوندونه هم په هېواد کې د طالبانو په ملاتړ لاريونونه اوباسي.

پروفېسر سرفراز خان زياتوي که چېرې را روان وخت کې طالبان يو وارې بيا کوم داسې ګام واخلي چې د ناين اليون په شان صورتحال جوړ شي نو داسې کې به يو وارې بيا پاکستان د طالبانو د ملاتړ د تورونو سره مخامخ شي ۔

XS
SM
MD
LG