د پاکستان پنجاب ایالتي حکومت لخوا په پوهنتونونو کې د پخوانو قبایلي سیمو او بلوچستان زده کونکولپاره په کال ۲۰۱۱م کې اعلان شوي ځانګړي سېټونو (کوټې) او وظیفو (سکالرشپ) ختمولو پرضد زده کونکو احتجاجونه کړي.
د پخوانې فاټا او بلوچستان یو شمیر زده کونکو وي او ای ډیوه ته ویلي، دا مهال د پنجاب په سرښار لاهور، ملتان او بهاوالدین ذکریا یونیورسټیو مخې ته پښتانه او بلوچ زده کونکي احتجاجي ناستې کوي او د یادو سېټونو د بیا پرځاې کولو غوښتنه کوي.
د پنجاب ایالت ګورنر چوهدري سرور مطبوعاتو او د پنجاب یونیورسټۍ د امنيت او طالب علمانو د چارو یو چارواکي بیا وي او ای ډيوه ته ویلي، پنجاب يونيورسټۍ د بلوچستان او قبايلي ضلعو د زده کونکو په کوټه کې هېچ کمی نه دی راوستی. نوموړي زیاته کړې تېر کال يې د سېنټ د چېرمېن صادق سنجراني په خواست یې دغه کوټه (ځانګړي سېټونو) شمیره د ۵۳و نه ۷۰و ته سېوا کړې.
د بلوچستان ایالت قلعه عبدالله سېمې ځوان مزمل خان چې په پنجاب پوهنتون کې زده کړې کوي، په یو ویډیو پېغام کې وي او ای ډیوه ته ویلي، د پنجاب دریو لویو پوهنتونو مخې ته احتجاجونه کوي. مزمل خان وايي:
٫٫ د ملتان بهاوالدین ذکریا پوهنتون، بهاولپور یونیورسټۍ او د پنجاب یونیورسټۍ مخې ته د تیرو اتو ورځو راهسې دغه احتجاجونه روان دي. په پنجاب پوهنتون کې ۴۰ زره زده کونکي دي او په دوي کې یواځې ۳۰۰ زده کونکي د بلوچستان او ۱۰۰ د پخوانۍ فاټا دي.٬٬
مزمل خان زیاته کړې چې د پنجاب په یونیورسټیو کې دغه څوکې د فاټا او بلوچستان د محرومیو ختمولو لپاره اعلان شوې وې خو د تیر یو کال راهسې یې دغه ځانګړي څوکې ختمې کړي.
یو بل زده کونکي وي او ای ډیوه ته زیاته کړې چې مونږ د تیرو څو ورځو راهسې د پوهنتونونو افسرانو ته ورغلي یو او ټولو ته مو خپله ستونزه وړاندې کړې. خوهیڅ چا هم زمونږ خبره نه ده اوریدلې، نو ځکه مو احتجاجونه پېل کړل.
د دغې ځوان په وینا د بلوچستان د زده کونکو لپاره په کال ۲۰۱۱م کې ۱۰۶ څوکۍ اعلان شوې وې بیا په کال ۲۰۱۷ کې دغه څوکۍ ۵۳ ته راکمې شوې خو تیرکال داحتجاج وروسته یې یواځې د جینکو زده کونکو لپاره ۱۷ څوکۍ اعلان کړې. دی زیاتوي چې د احتجاج حدف مو دغه ځانګړې څوکې بیرته ۱۰۶ ته سېوا کول دي.
د پنجاب ایالت ګورنر چوهدري سرور د بلوچ او پښتنو زده کونکو دغه احتجاج په اړه ویلي، د دغه سيمو د زده کونکو لپاره اعلان شوې سېټونو په ژمنه کلک ولاړ دی او غواړي چې د خېبر پښتونخوا د زده کونکو ځانګړې کوټه هم د قبایلي ضلعو محصیلونو ته ورکړي.
د پنجاب یونیورسټۍ د امنيت (سېکورټي) او طالب علمانو د چارو یو چارواکي کرنل (ر) عبېد وي او ای ډيوه ته ویلي، پنجاب يونيورسټۍ د بلوچستان او قبايلي ضلعو د زده کونکو په کوټه کې هېچ کمی نه راوستی. نوموړي زیاته کړې تېر کال يې د سېنټ د چېرمېن صادق سنجراني په خواست یې دغه کوټه (ځانګړي سېټونو) شمیره د ۵۳و نه ۷۰و ته سېوا کړې.
ځینو مطبوعات د بهاوالدين ذکریا يونيورسټۍ د چارواکو لخوا لیکي چې پوهنتون د فنډونو (پېسو) د نشتوالي له سببه ددغه زده کونکو کوټه ختمه کړې.
د پنجاب په دغه دریو لویو پوهنتونونو کې زده کونکي پښتانه اوبلوځ زده کونکي به نن (اکتوبر ۶مه) نېټه د پنجاب ګورنر سره ویني او په دې اړه به ورسره خبرې کوي.
په کال ۲۰۱۱م کې د پاکستان مسلم لیګ ن حکومت د پخوانۍ فاټا او بلوچستان د زده کونکو لپاره د پنجاب په بیلا بېلو یونیورسټیو کې ځانګړې کوټه (سکالرشپ) اعلان کړي وو. دغه زده کونکي ګیله کوي د تحریک انصاف ګوند په مشرۍ کې د پنجاب موجوده حکومت دغه کوټه ختمه کړې او یا یې ډیره کمه کړې ده.
