خيبر پښتونخوا کې ځان مرگي بريد او ډزو کې د ۴ زنانؤ په شمول ٧ کسان وژل شوي

د پېښور ښار رينگ روډ سره څنگ ته د څوکنو سيمې په عيسي خېل گړۍ کې ځان مرگي چاؤدنه کې څلور زنانه وژل شوي او د دوه ماشومانو په گډون پکې پينځه نور کسان ژوبل شوي دي . بله پېښه د هنگو په سيمه کې رامنځته شوې او د سکول درې استاذان په ډزو وژل شوي دي .
د خيبرپښتونخوا سرښار پېښور کې د شوي ځان مرگي چاؤدنې په اړه د سيمې د پوليس مشر اېس اېس پي نجيب مطبوعاتو سره خبرو کې وئيلي ، د څوکنو په عيسي خېل گړۍ علاقه کې يې په دغې اطلاع چې ځان مرگي بريد کوؤنکی سيمې ته راننوتی دی ، په ضد يې د لټون عمليات کول چې هغه د يو کور څنگ ته ځان والوزولو .
د سرچينو ترمخه ځان مرگي په يو کور کې دننه ځان په داسې حال کې الوزولی دی ، چې په کور کې قران خواني روانه وه .
د چاؤدنې په نيتجه کې څلور زنانه مړې او د يوې ماشومې په گډون پينځه نور کسان ژوبل شوي دي . پېښه کې مړي او ژوبل ليډي ريډنگ روغتون ته وړل شوي دي .
پوليس وايې علاقه يې په گېره کې اخستې او د پلټنې عمليات يې پېل کړي دي ، د راپورونو ترمخه پوليسو د علاقې نه دوه مبينه ترهگرهم نيولي دي .
هنگو کې د رامنځتې شوې پېښې په اړه راپورونه وايې ، د هنگو په کچي بانډه علاقه کې د سرکاري اسکول درې استاذان د سکول مخې ته ولاړ وو ، چې نامالومه موټر سائيکل سورو وسله والو پرې ډزې وکړي .
د سيمې د پوليسو په وينا د وژل شوؤ استاذانو پېژندگلو د فقير حسېن او سيد خليل په نومونو شوې د دوي تعلق د شيعه ډلې او استرزو علاقې سره دی ، اوبل وژل شوی استاذ محمدخان نوميږي او د کوهاټ اوسيدونکی دی .