د خېبرپښتونخوا وزيراعلا علي امين ګنډاپور پېښور ته رسېدلی دی، ځايي مطبوعات دغه خبر ورکوي. پاکستان تحریک انصاف يا د خېبرپښتونخوا حکومت د ګنډاپور پېښور ته رسېدو په اړه څه په رسمي توګه څه نه دي ويلي، خو په ټولنيزو د ګاډو د قافلي ويډيو خپرې شوي چې وزیراعلا پېښور ته رسېدلی دی.

له دې وړاندې سهار لس منټه دپاسه څلور بجې د علي امين ګنډاپور ورور د قامي اسمبلۍ غړي فيصل امين خان په اېکس پوسټ کې ويلي وو،

"د ورور سره رابطه شوې ده، هغه د امنیت په اړه د يو اوږدې غونډې وروسته اوس خپلې صوبې ته داخل شوی دی".

له دغې وړاندې د خېبرپښتونخوا سره تعلق لرونکو د پاکستان تحريک انصاف د قامي اسمبلۍ غړو او نورو مشرانو په اېکس پوسټونو کې ويلي وو، د علي امين ګنډاپور سره د اووه ساعتونو راهسې رابطه نه کېږي.

د پاکستان تحریک انصاف د قامي اسمبلۍ غړي شاهد خټک هم په يوه ويډيو کې دغه خبره کړې وه.

او شاهد خټک بيا په بل پوسټ کې ويلي وو، "وزيراعلا علي امين واپس راغلی دی".

د علي امين ګنډاپور د بې درکۍ په اړه د خېبر پښتونخوا حکومت ویاند او د اطلاعاتو لپاره د وزیراعلا سلاکار بېرسټر محمدعلي سیف دعوه کړې وه، چې د خېبرپښتونحوا اعلا وزیر علي امین ګنډاپور د اسلام اباد څخه لادرکه شوی دی.

د پاکستان شخصي ټیلي ویژن جیو نیوز په پروګرام "اج شاهزیب خانزاده کې ساتهـ" کې بېرسټر محمدعلي سیف ويلي وو "وزيراعلا علي امين ګنډاپور اسلام اباد ته تللی وو او اوس د هغه ټیلي فون بند راځي".

جرنلسټ محمود جان بابر په اېکس ويډيو پوسټ کړې او ورته یې ليکلي،

"د ټولې شپې بې درکۍ وروسته وزيراعلا علي امين ګنډا پور پېښور ته رسېدلی، د دوستانو او کورنۍ سره یې رابط قطعه شوې، بغېر د څه ويلو د امنيت کومې غونډې له تللی وو، دا حال دی بس، نور د څه ويلو ضرورت خو نشته که نه؟ حالات نارمل نه دي خبره په ډاګه ده".

مرکزي حکومت تراوسه پورې د علي امین ګنډاپور په اړه څه نه دي ويلي.

تحریک انصاف ګوند بيا د شپې ويلي، په پارلیمنټ [قامي اسمبلۍ] کې دننه موجود د پاکستان تحریک انصاف ګوند ټول پارليمنټيرينز نيول شوي دي. په نيول شوو کې صاحبزاده حامد رضا، شېخ وقاص اکرم، زېن قرېشي، او جمشېد دستي شامل دي.

پي ټي آی ويلي، "په جمهوریت دغه حمله د مسلم ليګ ن او پاکستان پيپلز پارټۍ په وخت کې وشوه".

خو جمشېد دستي بيا په اېکس پوسټ کړې ويډيو کې ويلي، "محفوظ دی، د اجلاس په اخري وخت کې ورغلی حاضري یې لګولی او تللی دی".

مرکزي حکومت د تحریک انصاف ګوند د پارليماني غړو د نیولو په اړه هم تراوسه پورې څه نه دي ویلي.

له دغې وړاندې پاکستان تحریک انصاف ګوند ويلي وو، اسلام اباد پولیسو د تحریک انصاف ګوند چیرمین بېرسټر ګوهر خان ، شېر افضل مروت او بېرسټر شعیب شاهین نیولي دي.

د اسلام اباد پوليسو هم تراوسه پورې د دغو ګرفتاريانو په اړه څه نه دي ويلي چې دوی ولې نيول شوي دي.

د پي ټي آی د قامي اسمبلۍ غړي په داسې وخت کې نيول شوي، چې په اتم ستمبر د اسلام اباد سنګجاني کې ترسره شوې د پي ټي آی جلسې ته وینا کې د پاکستان تحریک انصاف ګوند د اسلام اباد په جلسه کې بیلابیلو مشرانو پخپلو ویناګانو کې په سمدستي ډول د عمران خان د خوشې کېدو غوښتنه کړې وه.

وزیراعلا علي امین ګنډاپور په خپله وینا کې ویلي وو که له یوې نه تر دوو اونیو پورې عمران خان په قانوني توګه خوشی نه کړل شي نو بیا به پي ټي آی پخپله هغه راخوشې کړي.

علي امين په پوځ هم نيوکې کړې او ويلي یې وو، پوځ وايي چې سياست نه کوي خو سياست کوي.

یاد ګوند اعلان کړی چې خپله راتلونکې جلسه به په لاهور کې کوي چرته چې د دې ګوند د تر ټولو ستر سیاسي مخالف ګوند پاکستان مسلم لیګ (ن) حکومت دی.

ګنډاپور ویلي وو که اجازه ورکړل شي او که نه خو تحریک انصاف ګوند به خپله راتلونکې جلسه په لاهور کې کوي او د مرکز او پنجاب حکومتونو ته یې خبرداری ورکړو چې "زمونږ د ایسارولو کوشش دې ونه کړل شي".

د نېدرلېنډز یا هالېنډ یو عدالت د ګل- دوشنبې په ورځ د تحریک لبیک پاکستان مشر سعد رضوي او د تحریک لبیک نه بیلې شوې ډلې یا رسول الله مشر ډاکټر محمد اشرف جلالي ته د خپلو پلویانو ته د هالېنډ د پارلېمان سخت کیڼ اړخ غړي یېخت وېلډرز د قتل د هڅولو په تور سزاګانې اورولي دي.

محمد اشرف جلالي او سعد حسین رضوي په دواړه باندې د هغوي په غېرموجودګۍ کې مقدمه وچلول شوه.

پاکستان محمد اشرف جلالي او سعد حسین رضوي په دې مجبور نه کړل چې د هالېنډ په غوښتنه د لوړ امنیت په مقدمې کې حاضر شي.

56 کلن مذهبي مشر اشرف جلالي ته خپل پلویان د وېلډرز په وژلو هڅولو په جرم د 14 کالو قېد سزا اورول شوې ده.

اشرف جلالي خپل پلویانو سره ژمنه کړې وه چې دوی د وېلډرز ووژني او "په اخرت کې به ورته د دې کار اجر ورکول کیږي."

د تحریک لبیک پاکستان (ټي ایل پي) مشر 29 کلن سعد رضوي ته د پاکستان پخواني کرکټر خالد لطیف د وېلډرز په وژلو هڅولو په تور د څلور کاله قېد سزا اورول شوې ده.

د 2023 کال په سېپټمبر کې د نېدرلېنډز یو عدالت د پاکستان پخواني کرکټر خالد لطیف ته 12 کاله د قېد سزا په دې تور واوروله چې هغه د وېلډرز د مرګ په سر د انعام اعلان کړی و. لطیف هم عدالت ته نه و حاضر شوی.

وېلډرز د اسلام د پیغمبر د کارټونونو د سیالۍ د تنظیمولو هڅه کړې وه.

ویلډرز په دې فیصلې خوښې ښودلې ده.

د فیصلې وروسته ویلډرز په ایکس ویلي: "دا دوه مجرمین باید سمدستي ونیول شي او قېد شي."

هغه وویل چې د پیغمبر د کارټونونو جوړول او ښودل د "بیان د ازادۍ" مسله ده.

نوموړي له خبریالانو سره د خبرو پر مهال د دې فیصلې ستاینه کړی ده.

پاکستان او نېډرلېنډز مطلوبه کسان یو بل ته د سپارلو معاهده نه لري.

وېلډرز په اسلام تنقید کوي او د ګواښونو له امله هغه د تېرو ۲۰ کلونو راهسې شپه او ورځ د پولیس د ساتنې لاندې ژوند کوي.

په ۲۰۱۹ کې یو پاکستانی تن په نېدرلېنډز کې په دې الزام ونیول شو او وروسته ۱۰ کاله سزا شو چې په وېلډرز يې د ترهګرۍ حملې تیاری کوله.

د نېدرلېنډز په عدالت کې د روانې مقدمې په اړه په خپل بیان کې ټي ایل پي ویلي وو چې د وېلډرز د وکیل لخوا وړاندې شوی بیان دروغ او د قانون خلاف دی.

ټي ایل پي په بیان کې ویل شوي وو چې وېلډرز ته باید د اسلام د پیغمبر د سپکاوي په خاطر سزا ورکړل شي.

تحریک لبیک پاکستان یو سخت دریځه مذهبي-سیاسي ګوند ګڼل کیږي چې په تیرو وختونو کې د تاوتریخوالي په هڅولو تورن شوی دی.

تيره مياشت د ټي ايل پي نائب امير د احمديه جماعت سره تعلق لرونکي د مبارک ثاني د ضمانت د پريکړې په غبرګون کې د پاکستان د اوسني چيف جسټس قاضي فائز عيسى د وژلو دپاره د انعام اعلان کړی ؤ.

له دې اعلان وروسته د پاکستان مرکزي حکومت او د پنجاب صوبايي حکومت دغه څرګندونې غندلي وی او د کاروایي کولو یې ویلي وو خو پولیس تر اوسه نه دي توانیدلي چې د ټي ایل پي دغه مشر ونیسي.

د خېبر پښتونخوا حکومت ویاند او د اطلاعاتو لپاره د وزیراعلا سلاکار ښاغلي بېرسټر محمدعلي سیف دعوه کړې چې د خېبرپښتونحوا اعلا وزیر علي امین ګنډاپور د اسلام اباد څخه لادرکه شوې دی.

د پاکستان شخصي ټیلي ویژن جیو نیوز په پروګرام ”اج شاهزیب خانزاده کې ساتهه“ کې بېرسټر محمدعلي سیف وویل ” اعلا وزير علي امين ګنډاپور اسلام اباد ته تللی و او اوس د هغه ټیلي فون بند راځي. “

د پښتونخوا د وزیراعلا په ګډون، د پي ټي ای نور مشران هم د اتوار د ورځې د جلسې وروسته نیول شوي.

په جلسه کې ښاغلي ګنډاپور، په ځانګړې توګه، د ترهګرۍ او افغانستان په اړه د پوځ په جوړه تګلاره سخت ټکونه کړي دي.

د خيبر پښتونخوا حکومت ویاند زياته کړه چې له اعلا وزير علي امين سره یې ماسپښين درې بجې خبرې وشوې، هغه (علي امين) وويل چې د يوې غونډې لپاره اسلام اباد ته روان دى، د ماښام له پنځه او شپږو بجو وروسته ورسره هيڅ رابطه نه ده شوې.

بېرسټر سیف زیاته کړه چې د علي امین ګنډاپور ټليفون بند دى، د هغه سره کارکوونکو کسانو فون شمېرې هم کار نه کوي.

د قامي اسمبلۍ پخواني مرستیال سپیکر قاسم سوري هم په یو ټویټ کې ویلي چې ښاغلی ګنډاپور بې درکه کړل شوی دی.

بېرسټر محمدعلي سیف پوښتنه وکړه چې ” کله یو منتخب اعلا وزیر نیول شوی دی؟ “.

هم د ګل – دوشنبې په ورځ اسلام اباد پولیسو د تحریک انصاف موقتي چیرمین بېرسټر ګوهر خان ، شېر افضل مروت او بېرسټر شعیب شاهین نیولي دي.

تحريک انصاف ګوند د خپلو مشرانو نیولو تصديق په ایکس (پخواني ټويټر) کړی دی او دغه نیونې یې په کلکه غندلي دي.

پي ټي اې په اېکس یو ټويټ کې ویلي:

"په پاکستان کې د وړاندې نه کمزوري جمهوریت پر مخ یوه څپېړه.

د پوځ ملاتړ لرونکي امرانه او غېرقانوني حکومت اوس په غیر قانوني توګه د تحریک انصاف منتخب غړي د پارلېمان د احاطې نه نیسي او تښتوي یې.

د پي ټي اې موقتي مشر بيرسټر ګوهر علي خان

BarristerGohar@

کله چې هغه د قلمي اسمبلۍ غونډې نه راووتو نو د اسلام اباد پوليسو هغه په زوره ونيولو او په غير قانوني توګه يې ګرفتار کړو.
د پي ټي ای د قامي اسمبلۍ غړی شېر افضل مروت

sherafzalmarwat@

د پارلیمان بهر نه په غیر قانوني توګه ونیول شو

د پي ټي ای غړی او د سپريم کورټ وکيل شعيب شاهين

advshoaib66@

هغه په ملکي جامو کې د " نه پېژندلو کسانو" لخوا د خپل دفتر څخه وتښتول شو. "

پرون د اتوار په ورځ د اسلام اباد سنګجاني کې ترسره شوې د پي ټي اې جلسې ته وینا کې د پاکستان تحریک انصاف ګوند د اسلام اباد په جلسه کې بیلابیلو مشرانو پخپلو ویناګانو کې په سمدستي ډول د عمران خان د خوشې کېدو غوښتنه کړې وه.

وزیراعلا علي امین ګنډاپور په خپله وینا کې ویلي وو که له یوې نه تر دوؤ اوونیو پورې عمران خان په قانوني توګه خوشې نه کړل شي نو بیا به پي ټي آي پخپله هغه راخوشې کړي.

یاد ګوند اعلان کړی دی چې خپله راتلونکې جلسه به په لاهور کې کوي چرته چې ددې ګوند د تر ټولو ستر سیاسي مخالف ګوند پاکستان مسلم لیګ (ن) حکومت دی.

ښاغلي ګنډاپور ویلي که اجازه ورکړل شي اؤ که نه خو تحریک انصاف ګوند به خپله راتلونکې جلسه په لاهور کې کوي اؤ د مرکز اؤ پنجاب حکومتونو ته یې خبرداری ورکړو چې "زمونږ د ایسارولو کوشش دې ونه کړل شي"

اسلام اباد پولیسو د ګل - دوشنبې په ورځ د پاکستان تحریک انصاف چیرمین بېرسټر ګوهر خان ، شېر افضل مروت او بېرسټر شعیب شاهین نیولي دي.

د اسلام اباد د پولیسو ویاند جواد تقي ډان ورځپاڼی ته د تحریک انصاف ګوند دغه درېیو مشرانو نیول کېدل تایید کړي دي.

تحريک انصاف ګوند د خپلو مشرانو نیولو تصديق په ایکس (پخواني ټويټر) کړی دی او دغه نیونې یې په کلکه غندلي دي.

اسلام اباد پوليسو د پي ټي ای چيرمين بيرسټر ګوهر او شير افضل مروت د پاکستان پارليمنټ هاوس یا پارلیمان ودانۍ بهر څخه نيولي دي.

پاکستان تحریک انصاف د شېر افضل مروت چې د ټولو اول نیول شوی و وروسته په اېکس باندې په یو پوسټ کې ویلي :

"د پي ايم ايل اېن (پاکستان مسلم لیګ نواز) حکومت د قامي اسمبلۍ موجوده غړي (اېم اين اې) پر ضد دا ګام پورته کړی دی، چې ورته د شرم خبره ده."

په دغه پوسټ کې ویل شوي : "دا په ډیموکراسۍ باندې باید مستقیم ګوزار وګڼل شي."

پي ټي اې په اېکس یو بل ټويټ کې ویلي:

"په پاکستان کې د وړاندې نه کمزوري جمهوریت پر مخ یوه څپېړه.

د پوځ ملاتړ لرونکي امرانه او غېرقانوني حکومت اوس په غیر قانوني توګه د تحریک انصاف منتخب غړي د پارلېمان د احاطې نه نیسي او تښتوي یې.

د پي ټي اې موقتي مشر بيرسټر ګوهر علي خان

BarristerGohar@

کله چې هغه د قلمي اسمبلۍ غونډې نه راووتو نو د اسلام اباد پوليسو هغه په زوره ونيولو او په غير قانوني توګه يې ګرفتار کړو.
د پي ټي ای د قامي اسمبلۍ غړی شېر افضل مروت

sherafzalmarwat@

د پارلیمان بهر نه په غیر قانوني توګه ونیول شو

د پي ټي ای غړی او د سپريم کورټ وکيل شعيب شاهين

advshoaib66@

هغه په ملکي جامو کې د " نه پېژندلو کسانو" لخوا د خپل دفتر څخه وتښتول شو. "

په سوشل ميډیا خپور شوو ويډیوګانو کې لیدل کیږي چې شېر افضل مروت چې د پاکستان د قامي اسمبلۍ غړی دی د قامي اسمبلۍ مخې نه نیول کیږي.

د پي ټي ای ترمخه د هغوي یو بل وکیل مشر بېرسټر شعیب شاهین د هغه له دفتر څخه په ساده جامو کې د نامعلومو کسانو لخوا نیول شوی .

پرون د اتوار په ورځ د اسلام اباد سنګجاني کې ترسره شوې د پي ټي اې جلسې ته وینا کې د پاکستان تحریک انصاف ګوند د اسلام اباد په جلسه کې بیلابیلو مشرانو پخپلو ویناګانو کې په سمدستي ډول د عمران خان د خوشې کېدو غوښتنه کړې وه.

د خېبر پښتونخوا صوبې وزیراعلا علي امین ګنډاپور په خپله وینا کې ویلي وو که له یوې نه تر دوؤ اوونیو پورې عمران خان په قانوني توګه خوشې نه کړل شي نو بیا به پي ټي آي پخپله هغه راخوشې کړي.

یاد ګوند اعلان کړی دی چې خپله راتلونکې جلسه به په لاهور کې کوي چرته چې ددې ګوند د تر ټولو ستر سیاسي مخالف ګوند پاکستان مسلم لیګ (ن) حکومت دی.

هغه ویلي که اجازه ورکړل شي اؤ که نه خو تحریک انصاف ګوند به خپله راتلونکې جلسه په لاهور کې کوي اؤ د مرکز اؤ پنجاب حکومتونو ته یې خبرداری ورکړو چې "زمونږ د ایسارولو کوشش دې ونه کړل شي"

د خېبرپښتونخوا جنوبي ضلعې لکي مروت کې د ضلعې پوليسو احتجاج کړی، د پوځ د نوم اخستو بغېر یې ويلي، " ته د لکي مروت ضلعې نه وځه مونږ پوليس په درېو مياشتو کې امن راولو".

خېبرپښتونخوا کې دا لومړی ځل نه دی چې پوليس د خپلو همکارو اهلکارو د وژنې او امن دپاره احتجاج کوي، له دې وړاندې باجوړ کې پولیس عسکرو په باجوړ کې د همکارانو په وژنه او له دغې وړاندې د پېښور پولیس لاین د چاودنې پرضد هم د صوبې پوليسو احتجاج کړی وو.

د لکي مروت ضلعې پوليسو په داسې وخت کې احتجاج کړی، چې په تېرو 24 ساعتونو کې په لکي مروت ضلعه کې په پوليسو څلور وسله وال بريدونه شوي، څلور پوليس اهلکار او د يو پوليس اهلکار ورور پکې وژل شوي دي.

لکي مروت کې په پوليس اهلکارو بريدونه په داسې وخت کې سېوا شوي، چې دوه ورځې وړاندې پوليسو ويلي وو، په نورنګ علاقه کې یې د وسله والو ضد عملياتو کې د تحریک طالبان پاکستان يو کمانډر ملا محمد غلام وژلی وو. د پاکستان پوځ تحریک طالبان پاکستان د فتنه الخوارج په نوم يادوي.

د لکي مروت ضلعې پوليسو نن په نهم ستمبر په پوليس لاين او بيا په سړک احتجاج کړی چې پکې په ګڼ شمېر کې پوليس اهلکارو په ساده جامو کې ګډون کړی دی.

احتجاج ته په وينا کې يو پوليس اهلکار رشيد خان وايي، دوی ته دې اسلام نه ښودل کيږي، مسلمانان دي او کورنۍ یې دينداره دي.

هغه تور ولګوو، "په لکي مروت کې چې هر څه کيږي، آی اېس آی، اېم آی او پوځ يې کوي".

نوموړي د پوځ د نوم اخستو بغېر وويل، " ته د لکي مروت ضلعې نه وځه مونږ پوليس په درېو مياشتو کې امن راولو".

د پاکستان پوځ د پوليس اهلکار تورونو ته سمدستي غبرګون نه دی ويلي، خو له دې وړاندې د پوځ مشر جنرل عاصم منير او پوځ وخت په وخت په بيانونو کې د ترهګرۍ ضد جګړه کې د خېبرپښتونخوا د خلکو او پوليسو زړورتيا او قربانۍ ستايلي دي.

د لکي مروت ضلعې پوليس يو بل اهلکار خالد خان وي او اې ډيوه ته وويل، "د کله پورې چې په ضلعه کې پوځ نه وو، د پوليس لاين چار ديواري نه وه، دوی هغه وخت ځان خوندي ګڼو، خو چې کله پوځ راغلی، پوليس لاين ته ديوال وهل شوی او کېمرې لګول شوي په پوليسو بريدونه سېوا شوي دي".

هغه وویل، "پوليس دې ته حېرانه دي چې دوی د تاڼې نه وځي نو وسله وال پرې د وړاندې نه خبر وي، او په لاره پوليس هدف کړي، نو وسله والو ته دغه خبر څوک ورکوي".

هغه زياته کړه، "پخوا به افسرانو د خپلو اهلکارو ساتنه کوله، خو اوس افسران يواځې جنازې اوچتوي د خپلو ماتحتو د ساتنې هيڅ طريقه ورسره نشته".

وي او اې ډيوه د لکي مروت ضلعې د پوليس مشر [ډي پي او] تيمور خان د دفتر سره بيا بیا د رابطې هڅه کړې خو ځواب ورته نه دی ویل شوی.

څلور ورځې وړاندې د يو پولیس اهلکار د وژنې وروسته تيمور خان ويلي وو، د پوليس د قربانۍ ستاينه کوي چې د خپلو خلکو ساتنه کوي، هغه ويلي وو، پوليس اهلکار به يواځې نه پرېږدي، د وسله والو بريدونه د پوليسو حوصلې نه شي ماتولی او بريد کوونکي ته به منطقي انجام ته رسوي.

د لکي مروت ضلعې د پوليسو يو تاڼدار ظفر محمود احتجاج کوونکو ته ويلي، په پوليسو دوامداره حملې کيږي دوی هم انسانان دي او کورنۍ لري.

هغه هم ويلي، "يو لور ته یې حکومت سرپرستي نه کوي او بله مسله ورته دا پېښه ده چې په پوليسو حمله شوي ځايي خلک ورته هم معلومات نه ورکوي چې بريد کوونکي په کومه لاره لاړه".

هغه زياته کړه، "څوک هم پوليس ته خبر نه ورکوي، مونږ د هر چا خوشالۍ او غم کې شريک يُو خو زمونږ په غم کې څوک هم شريک نه شو".

يو بل پوليس افسر [اېس اېچ او] حېدر خان ويلي، دا احتجاج یې د خپل تحفظ دپاره کړی، کومه سياسي ايجنډا نه لري.

هغه وويل، که د احتجاج په سر د پوليسو اهلکارو پرضد محکمانه کارروايي کيږی څوک د نوکرۍ څخه لرې کولی کيږي، يا معطل کولی شي، دا به د پوليسو سره زياتی وي.

د رپورټونو ترمخه، د خېبرپښتونخوا سي ټي ډي پوليس د روان کال جولايۍ په میاشت کې ويلي وو، سږ کال د 15مې جولایۍ پورې په صوبه کې په وسله والو بريدونو کې 76 پوليس اهلکار وژل شوي وو.

د سي ټي ډي د يادو شمېرو ترمخه، په وسله والو بريدونو کې د 65 ملکي وګړو په ګډون 29 د اېف سي اهلکار او اووه نور د نورو قانون نافذونکو ادارو غړي وژل شوي وو.

په پينځم ستمبر د پاکستان د پوځ وياند لفټننټ جنرل احمد شريف چودري ويلي وو، د روان کال په تيرو اتو میاشتو کې د ترهګرۍ ضد عملياتو کې د پوځ 193 افسران او عسکر وژل شوي دي.

هغه ويلي وو، "د ترهګرۍ ضد جګړه کې د پاکستان پوځ، پوليس او نورې قانون نافذونکې ادارې هره ورځ د 130 نه زيات عمليات کوي، او د اخري ترهګر د خاتمې پورې به جګړه روانه وي".