لاس رسیدونکی لینک

Breaking News

شهباز شريف ويلي د ترهګرۍ نوغی به وباسي


شهباز شریف ويلي، "د صوبو سره په ګډه به د ترهګرۍ ضد مبارزه کوي او د ترهګرۍ د خاتمې دپاره به په نيشنل اېکشن پلان پوره عمل کولی شي"، نوموړي د امنیتي ځواکونو د قربانۍ ستاينه کړې ده

د پاکستان وزیراعظم شهباز شريف په بنو کې د ترهګرۍ د پېښو په سختۍ غندنه کړې او ويلي يې دي چې په ملک کې د ترهګرۍ او ګډوډۍ جوړوونکو نوغی به اوباسي.

شهباز شريف نن د شورو/ چهارشنبې په ورځ [21 دسمبر] ويلي، ریاست به د کومې ترهګرې ډلې يا تنظيم په وړاندې ټيټ نه شي، د ترهګرو مخنيوي به د ايين او قانون د لارې کولی شي.

نوموړي ويلي، "مرکزي حکومت به د ترهګرو د بهرنيو سهولت کارو مخنیوي کوي، د امنيت بنيادي زمه واري د صوبو ده خو مرکزي حکومت به په دغو سختو مسلو سترګې نه پټوي".

شهباز شریف ويلي، "د صوبو سره په ګډه به د ترهګرۍ ضد مبارزه کوي او د ترهګرۍ د خاتمې دپاره به په نيشنل اېکشن پلان پوره عمل کولی شي"، نوموړي د امنیتي ځواکونو د قربانۍ ستاينه کړې ده.

د پاکستان صدر عارف علوي هم ويلي په بنو کې د ترهګرو کارروايي ناکامه کړی شوې او پرضد يې امنيتي ځواکونو کامياب عمليات کړي، هغه ورته مبارکي ويلې ده.

په 18 دسمبر د خېبرپښتونخوا په بنو کې وسله والو د سي ټي ډي اهلکار او مرکز يرغمال کړي او پرون د نهې/ سه شنبې په ورځ پوځ په دغه مرکز عمليات کړي دي.

د پاکستان د پوځ وياند مېجر جنرل احمد شريف ويلي په بنو کې د سي ټي ډي په يرغمال شوي مرکز د عملياتو په مهال پوځ 25 ترهګر وژلي، اووه تسليم شوي او درې ګرفتار شوي دي.

پوځي وياند ویلي، د وسله والو سره په جګړه کې د پاکستان د پوځ د یو صوبېدار په ګډون درې عسکر وژل شوي دي.

مېجر جنرل احمد شریف د پاکستان شخصي ټیلي ويژن جیو نیوز سره په خبرو کې په بنو کې د ترهګرو په ضد د عملیاتو په اړه ویلي چې د دسمبر په 18مه په بنو کې 35 ترهګر د سي تي ډي کمپلیکس کې تر پلټنو لاندې وو په دغه مهال يې د يو اهلکار نه وسله تښتولې ډزې يې کړي، يو اهلکار پکې وژل شوی او بل ژوبل شوی چې وروسته يې بيا ژوند د لاسه ورکړی دی.

چارواکو ويلي وو د وسله والو سره يې خبرې روانې وې او هغوی افغانستان ته د وتلو دپاره محفوظه لاره غوښته خو پرون بيا پوځ عمليات پېل کړي وو.

تحريک طالبان پاکستان په 19 دسمبر د ګل په ورځ ميډيا سره په شريک کړي خبر کې دعوه کړې وه چې د سي ټي ډي په جېل کې بندي کسانو کې ځینې د دوی غړي هم شامل دي او دوی د امنيتي عسکرو نه وسله اخستې او يرغمال کړي يې دي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG