لاس رسیدونکی لینک

تازه خبر

د محمد بن سلمان نه به د خاشقجي د قاتلانو په اړه پوښتنې کوو: ماېک پمپیو


د امریکا د خارجه چارو وزیر ماېک پمپیو ویلي امریکا به د سعودي ولي عهد محمد بن سلمان نه د خبریال جمال خاشقجي د قاتلانو په اړه پوښتنې کوي.

د قطر په سرښار دوحه کې د اتوار په ورځ د دغه هیواد د خارجه وزیر شیخ محمد بن عبدالرحمان الثاني سره د لیدو کتو وروسته نوموړي ویلي ٫٫ مونږ به د سعودي ولي عهد سره په خبرو اترو کې د جمال خاشقجي قاتلانو ته د سزا په اړه پوښتنې کوو.٬٬

سعودي خبریال جمال خاشقجي تیر کال د اکتوبر په میاشت کې په ترکي کې د سعودي په سفارت کې وژل شوی وو. د هغه د وژنې وروسته لومړی سعودي عربستان ویلي وو چې هغه د سفارت د ودانۍ نه بهر وتلی وو، خو وروسته یې ومنل خاشقجي په سفارت کې د پلټنو په مهال وژل شوی وو.

ترکي دعوه کړی وه د واشنګټن پوسټ د خبریال جمال خاشقجي د وژنې امر د سعودي حکومت لوړ پوړو چارواکو ورکړی وو. خو سعودي چارواکو بیا بیا ویلي د خاشقجي د وژنې امر محمد بن سلمان نه دی ورکړی.

د دوحه د سفر وروسته د امریکا د خارجه چارو وزیر ریاض ته تللی. د سعودي عرب وروسته به نوموړی اردن، عراق، مصر، بحرین او عرب اماراتو ته هم سفر کوي.

سعودي عرب ته د رسیدو وروسته نوموړي د سعودي عرب د خارجه چارو وزیر عدیل الجبیر او په امریکا کې د سعودي سفیر شاه خالد بن سلمان بن عبدالعزیز سره هم لیدلي. په دغه لیدنو کې نوموړي د خبریال جمال خاشقجي د وژنې د پلټنو خبره بیا تکرار کړې.

په دوحه کې د قطر د خارجه چارو وزیر سره په ګډ خبري کانفرنس کې ماېک پمپیو په عرب هیوادونو غږ کړی چې خپل منځۍ جګړې ختمې کړي او په ګډه کار وکړي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG