لاس رسیدونکی لینک

تازه خبر

د امریکې صدر جوبایډن غوښتلي په روسي صدر ولادیمیر پوتین دې د جنګې جرمونو مقدمه جوړه کړی شي


صدر بایډن
صدر بایډن

د اوکراېن سر ښار کییف سره نژدې د روسي ځواکونو دلاسه په لویه شمېر کې د ملکي کسانو د وژل کېدو په اړه د معلوماتو مخې ته راتلو وروسته، د امریکې صدر جوبایډن د ګل، دوشنبې، په ورځ غوښتنه وکړه چې د روسي صدر ولادیمیر پوتین خلاف دې د جنګي جرمونو مقدمه وچلول شي.

صدر بایډن په سپینه ماڼۍ کې خبریالانو ته وویل چې د کییف په مضافاتو کې چې څه ولیدل شوو د دې ترمخه پوتین جنګي مجرم بلل کېدی شي خو پکار ده چې په دې اړه معلومات ترلاسه کړی شي.

د وي او ای د رپورټ ترمخه، صدر بایډن پوتین "بې رحمه" و بللو.

امریکايي صدر ژمنه وکړه چې په روس په اضافي پابندۍ ولګوي.

د اېسوسي اېټېډ پرېس خبري ادارې ترمخه د اوکراېن سرښار کییف شا او خوا نه د روسي ځواکونو د پشا کېدو وروسته اوکراېني مامورینو ویلي لږ تر لږه د 410 ملکي کسانو مړي موندل شوي دي. د رپورټ ترمخه، د ځینو مړو لاسونه تړل شوي وو، په بدنونو یې د تشدد نخښې وې او ځینې کسان پکې د نژدې نه په ډزو ویشتل شوي دي.

مسکو دا خبره رد کړې چې روسي ځواکونو په اوکراېن کې په ملکي کسانو ظلمونه کړي

د روس خارجه وزیر سرګی لاو رو د ملګرو ملتونو انډر سېکرېټري جنرل سره د ګل، دوشنبې، په ورځ د خبرو شروع کولو په موقع وویل د اوکراېن دا دعوه چې روسي ځواکونو د کییف او بوچا ښارونو سره نژدې د ملکي کسانو قتل عام کړی "داسې راپارونه ده چې د دنیا امن او امان ته نېغ په نېغه ګواښ راولاړوي."

د یورپین کمېشن مشرې اورسولا وان ډر لېین د ګل، دوشنبې، په ورځ د ټوېټر دلارې وویل چې يورپین یونین به اوکراېن ته څېړونکي لیږي چې د جنګي جرمونو په اړه معلومات جمع کړي.

زیلینسکي د ګل، دوشنبې، په ورځ قام ته په تلویزیون وېنا ککې وویل د روسي ځواکونو د تشدد نه وروسته به روس سره مذاکرات مشکل شي.

د وي او ای د رپورټ ترمخه روسي ځواکونه د کییف نه پشا شوي دي او توجه یې د اوکراېن په جنوبي برخو کې حملو ته اوړولې ده. د اوکراېن صدر ولادومیر زیلینسکي د امریکې سي بي اېس تلویزیون ته وویل په هېواد کې د خلکو د وژل کېدو په اړه وویل "دا په حقیقت کې نسل وژنه ده."

زیلینسکي وویل روسي ځواکونه اوکراېن تباه کوي او لمنځه یې وړل غواړي.

د نېټو سېکېرټري جنرل ینس سټالټنبرګ سي اېن اېن تلویزیون ته وویل په تېرو څو لسیزو کې د ملکي کسانو په ضد داسې ظلمونه نه دي لیدل شوي.


هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG