واشنگټن —
د پاکستان د ریاستونو او سرحدي چارو مرستیال مرکزي وزیر غالب خان وایي، د پښتون ژغورنې غورځنګ باید د خپلو غوښتنو لپاره د احتجاجونو پر ځای د خبرو اترو لاره خپله کړي.
له ډيوه رېډیو سره په مرکه کې ښاغلي غالب ویلي، د غورځنګ ډېری غوښتنې منل شوي چې پکې په قبایلي سیمو کې د ماینونو پاکول، د ډېرو جبري ورکو کسانو خوشي کول، د راو انوار نیول او د بې ځایه شویو کورنیو بیرته په خپلو سیمو کې ابادول شامل دي:
"د پاکستان حکومت او ادارې دي هم د هېواد د ساتنې او بقا په خاطر له پي ټي ایم سره خبرو ته کښېني، چې څه وشول هغه شوي دي، نور باید داسې ونه شي".
ښاغلي غالب وویل د پاکستان د مرکزي کابینې په راتلونکې غونډه کې به یو ځل بیا د منظور پښتین پر غوښتنو غور وشي او د پرمختګ جاج به یې واخیستل شي.
د حاجي غالب خان بشپړه مرکه په لاندیني لینک اورېدلای شئ:
