لاس رسیدونکی لینک

Breaking News

پي ټي اېم د منظورپښتین د خوشي کېدو او مخالفین یې د تېزندۍ نعرې وهي


د پاکستان د قونصلگرۍ په درشل د احتجاج کونکو په اړه د قونصلګرۍ مرستيال نعیم اقبال چیمه وي او ای ډیوہ ته وویل چی د پاکستان په حق او د پښتون ژغورنې غورځنګ په ضد دغه احتجاج کوونکي په نیویارک کې مېشت د پاکستان عام وګړي وو

د امریکا په نیویارک ښار کې د پښتون ژغورنې غورځنگ (پي ټي اېم) د نیول شوي مشر منظور پښتین د خوشي کولو لپاره تېره اونۍ یوه مظاهره کې د غورځنگ پلویانو د منظور پښتین د "رها کرو" او د پاکستان د قونصلگرۍ مخې ته مخالفینو یې "پهانسي کرو" نعرې وهلې.

د منظور پښتین لپاره د پهانسۍ یا تېزندۍ غوښتونکو مظاهره چیانو سره

په لاسونو کې په بېنرو ليکل شوي وو چې "وياړلي پښتانه د خپلې خاورې ساتونکي دي او مونږ د دوی حوصلې ته سلام کوو."

هم دا راز په ځينو بېنرو ليکل شوي وو چې "مونږ د پښتنو وروڼو او خوېندو په قربانيو وياړ کوو."

په يو بل بېنر دا ليکل شوي وو چې "مونږ د ترهه ګرو د ماتې ورکولو لپاره د پښتنو حوصلې ته سلام وړاندې کوو."

دا خلک څوک وو او له کومه ځايه راغلل؟

د پښتون ژغورنې غورځنګ د غړو په وېنا چې دا خلک د دوی په ليدلو د پاکستان د قونصلګرۍ نه سره د بېنرو را ووتل او نعرې یې وهلې چې منظورپشتين ته دې پانسي ورکړی شي یا هغه دې تېزندي کړی شي.

د پي ټي اېم پرضد ولاړو مظاهره چیانو وويل چې د دوی تعلق "د فورت پېلر" سره دی خو دې پوښتنې ته يې هېڅ ځواب ونویلو چې که چېرې دوی خبريالان دي نو بيا د مظاهرې کولو او نعرو پر ځای د دغه احتجاج کورېج یا خبرونه ولې نه ورکوي؟ د سیاست په اصطلاح کې فورت پېلر پرېس یا مطبوعاتو ته وېل کېږي چې معنا یې دا وي چې د حکومت ترڅنگ مطبوعات هم د ریاست برخه وي.

د پي ټي اېم د فعالانو د احتحاج په ضد مظاهره کې یو تن د خپل ځان پېژندگلو د شیخ توقیر په نوم وکړه چې د پاکستان د قونصلګرۍ په درشل ولاړ و او وي او ای ډيوه ته یې وویل چی منظور پشتین او د هغه ملګرو ته په اسمبلۍ کی دوه سیټونه ورکړل شو، د دوی ډېر شرطونه او غوښتنې ومنل شوي او دا "ځکه چې د پښتنو وروڼو ګيلې ختمې شي، د دوي ټولې جايز مطالبې منل شوې دي چې ثبوتونه يې په ټولنيزو رسنيو موجود دي، بيا چې دوی د بې درکه خلکو کوم فهرست ورکړو، هغه خلک وو چې بمونه يې لګول او وژل شوي دي."

د شمالي وزیرستان او جنوبي وزیرستان د پاکستان د قومي اسمبلۍ غړي محسن داوړ او علي وزیر د پي ټي اېم ملاتړي دي.

شیخ توقير دا دعوه هم وکړه چې پي ټي اېم د افغانستان سره په پوله د پاکستان د ازغن تار د لگوولو مخالفت کوي او پي ټي اېم غواړي چې دغه تار دې لرې کړی شي. هغه وویل د ازغن تار لگېدو له امله پاکستان ته د ترهگرو تگ کم شوی دی.

ايا دا غړي په رښتيا د پاکستان د قونصلګرۍ غړي وو؟

د پاکستان د قونصلگرۍ په درشل د احتجاج کونکو په اړه د قونصلګرۍ مرستيال نعیم اقبال چیمه وي او ای ډیوہ ته وویل چی د پاکستان په حق او د پښتون ژغورنې غورځنګ په ضد دغه احتجاج کوونکي په نیویارک کې مېشت د پاکستان عام وګړي وو او دوی په خپله مرضۍ د پښتون ژغورنې غورځنګ په ضد احتجاج کولو. هغه وویل د مظاهره کونکو د قونصلګرۍ سره هيڅ تعلق نه و.

نعیم اقبال وویل وویل چی د نیو یارک پولیس د قونصلګرۍ چارواکو ته د مظاهری په وخت د قونصلګرۍ نه بهر د وتلو اجازت نه ورکولو او د قونصلگرۍ چارواکو ودانۍ ته د تګ راتګ د پاره د ودانۍ عقبي يا شاته دروازه استعمالوله.

  • 16x9 Image

    فضل الله

    فضل الله په نیویارک کې د وي او اې ډیوه خبریال دی، له دې نه وړاندې هغه د پاکستان له بېلابېلو مطبوعاتو سره کار کړی دی. هغه د پاکستان ټیلیویژن او جیو ټیلیویژن د خبریال او په پخوانیو قبایلو سیمو کې د اطلاعاتو د څانګې د ډایریکټر په توګه هم کار کړی دی. د قبایلي سیمو او افغانستان ګڼ شمېر دورې یې کړې او د دغو سیمو په اړه یې رپوټنګ کړی دی.

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG