لاس رسیدونکی لینک

Breaking News

پوټن: روس غور کوي چې طالبان ترهګرو د فهرست نه لرې کړي


د شورو، چهارشنبې، په ورځ ماسکو کې د افغانستان په موضوع ورستۍ غونډه وشوه چې پکې د طالبانو ترڅنګ، پاکستان، او ځېنو نورو سیمه اییزو ملکونو شرکت وکړو

د روس صدر ولادېمیر پوټن ویلي ماسکو غور کوي چې طالبان د ترهګر تنظیمونو د فهرست نه لرې کړي.

د رویټرز خبري ادارې ترمخه روس په کال 2003 کې طالبان ترهګر "تنظیم" وبلل.

د طالبانو په ضد د روس د دغه ګام باوجود ماسکو د افغانستان په موضوع خبرو دپاره په ماسکو کې څو ځله د طالبانو کوربتوب کړی دی.

د شورو، چهارشنبې، په ورځ ماسکو کې د افغانستان په موضوع ورستۍ غونډه وشوه چې پکې د طالبانو ترڅنګ، پاکستان، او ځېنو نورو سیمه اییزو ملکونو شرکت وکړو.

طالبان د ترهګرو تنظیمونو د فهرست نه د لرې کولو په اړه خبره صدر پوټن د زیارت، پنجشنبې، په ورځ وکړه.

د رویټرز په قول صدر پوټن دا غوښتنه هم وکړه چې افغانستان سره دې اقتصادي مرسته وشي او د هېواد منجمد اثاثې دې ورته ورکړی شي چې دا ډول د سیمې ثبات یقیني کړی شي.

په اګست کې په افغانستان د طالبانو د واکمنۍ نه وروسته امریکې د افغانستان د بېلینونو ډالرو مالیت اثاثې منجمد کړي او نړیوالې ټولنې د جنګ ځپلې هېواد سره مرستې ځنډولي دي.

رویټرز وايي د شورو، چهارشنبې، په ورځ د ماسکو په غوڼده کې طالبانو د لسو سیمه اییزه ملکونو په دې خبره حمایت ترلاسه کړو چې په افغانستان کې د اقتصادي بحران مخه نیولو دپاره دې د ملګرو ملتونو په انتظام د مرسته کوونکو کانفرنس راوبلل شي.

رویټرز وايي صدر پوټن د خپل امریکايي هم منصب جوبایډن د افغانستان نه د امریکايي ځواکونو د ویستلو حمایت وکړو.

XS
SM
MD
LG