د برطانيې ګارډین اخبار په خپل یو رپورټ کې ویلي په افغانستان د طالبانو د بیا واکمنېدو راهسې په هېواد کې د ښځو د ځان وژنو یا خودکشۍ او د خود کشۍ د کوښښونو په پېښو کې د تشویش وړ اضافه شوې ده.
اخبار وویل د طالبانو حکومت په دې اړه څه شمېرې نه دي شایع کړي او د صحت کارکونکي يې منع کړي چې د ځان وژنو او یا د خودکشۍ د کوښښونو شمېرې به نه څرګندوي.
رپورټ وايي د کال ۲۰۲۱ د اګست د میاشت نه تر د کال ۲۰۲۲ د اګست د میاشت پورې د صحت "د بیړنی بحران" څرګندولو دپاره د صحت کارکونکو په شخصي کچه معلومات شریک کړي دي چې ښښي افغانستان د دنیا په ځینو داسې سیمو کې شامل دی چې د سړو نه زیاتې ښځې په کې ځانونه وژني.
د طالبانو د واکمنۍ په یو کال کې ريکارډ شویو خودکشیو څخه په څلورو کې د دریو نه زیاتې خودکشۍ یا د خودکشۍ کوښښونه ښځو کړي دي.
د ګارډین د رپورټ ترمخه طالبانو د واکمنۍ د لاندې په ښځو قدغنونه زیات شوي او د صحت کارونکو او د انساني حقونو فعالانو د ښځو په ځان وژنو کې په زیاتوالي د تشویش غږ پورته کړی.
د متحده قومونو د ښځو د څانګي یو اېن وېمن د افغانستان دپاره نماینده اېلېسن ډېوډیان ګارډین اخبار ته وویل داسې وخت لیدل کېږي چې د هغو ښځو او جینکو په شمېره کې اضافه کېږي چې په موجوده حالاتو کې ژوند نه مرګ غوره ويني.
د ښځو په اړه په ورستي اعلان کې طالبانو په بامیان ولایت کې بند امیر نومې جهیل ته د ورتګ نه منع کړي دي چې د طالبانو په وطنا ښځې بند ته د ورتګ په مهال حجاب په مناسب ډول نه اغوندي.
بند امیر ته د ښځو په ورتګ د پابندۍ په اړه د انساني حقونو نړیوالې ادارې هیومن رایټس واچ چارواکې هېدر بار وویل په داسې حال کې چې د هر کور نه زندان جوړېږي په ښځو قدم په قدم دېوالونه تنګېږي.
بار وویل طالبانو جینکۍ او ښځې د تعلیم، کار روزګار او په ازاده د حرکت نه منع کړې خو په دې يې قناعت و نه کړو او اوس د ښځو نه پارکونه، لوبې او فطرت هم اخیستل غواړي او ښځو نه د فطرت اخیستل بند امیر ته د دوی په ورتګ لیدل کېږي.
په افغانستان د بیا واکمنېدو نه پس د شپږم ټولګي نه پورته د جینکو په تعلیم پابندي لګولې او ښځې روزګار نه کولی.
په سمدستي ډول دا وه معلومه چې ایا طالبانو د ګارډین اخبار د رپورټ په اړه څه ویلي دي او که نا؟
یادونه: د دې خبر معلومات د وي او ای د فرن رابېنسن لیکل شوي رپورټ نه اخیستل شوي دي
Forum