لاس رسیدونکی لینک

تازه خبر

روسي سفارتکار په افغانستان کې د امن په اړه د خبرو په غرض پاکستان ته رسیدلی


د ماسکو په غونډه کې د طالب استازو ترڅنگ نور گډونوال د روس خارجه وزیر سرگی لاوورو سره
د ماسکو په غونډه کې د طالب استازو ترڅنگ نور گډونوال د روس خارجه وزیر سرگی لاوورو سره

د افغانستان دپاره د روسي صدر استازی ضمیر کابلو په افغانستان کې د امن په لړ کې د پاکستاني مامورینو سره خبرو دپاره اسلام اباد ته رسېدلی دی.

ښاغلی کابلو په داسې حال کې اسلام آباد ته رسیدلی دی چې په افغانستان کې د امن دپاره د امریکې خاص استازي زلمي خلیلزاد په قطر کې د طالبانو سره د خبرو وروسته په کابل کې د افغان صدر سره خبرې کړې دي. د امریکې او د طالبانو د ترمنځ د خبرو د انتظام مسولیت پاکستان په غاړه اخلي.

په اسلام اباد کې یو پاکستاني سفارتکار وي او ای ته د ښاغلي کابلو د سفر په اړه وویل چې د سیمې هېوادونه په افغانستان کې مفادات لري او په هېواد کې د راپورته کېدونکي صورتحال په اړه د یو بل سره صلاح مشورې کوي.

ټاکل شوې ده چې کابلو به د پاکستاني مامورینو سره رسمي خبرې د نهی، سه شنبې، په ورځ پېل کوي.

روس کوښښونه کوي چې افغان طالبانو د افغان حکومت سره نیغ په نیغه خبرو ته کښېني. ماسکو اندېښنې لري چې په افغانستان کې بې ثباتي به مرکزي ایشیا ته هم ور ورسېږي.

ماسکو د افغانستان په اړه د یو شمېر سیمه ایزو هېوادونو غونډې کړې دي او د تېر کال د نومبر په میاشت کې طالب استازو هم نه یوازې د ماسکو په یوه غونډه کې برخه واخیسته بلکې د مطبوعاتو سره یې هم خبرې وکړي.

د روس د خارجه وزارت ترجمانې ماریه زخاروه تیره هفته خبریالانو ته وویل روس په افغانستان کې د امن دپاره د امریکې د کوښښونه ستاینه کوي خو د ښاغلي خلیلزاد هلې ځلې د ناکامۍ سره مخامخ دي او طالبان یې تر اوسه د افغان حکومت سره خبرو ته نه دي کښېنولي.

خو خلیلزاد د امرکیې نیویارک ټایمز ورځپاڼې ته په کال کې یوه مرکه کې وویل د طالبانو سره د سولې په چوکاټ یې اصولي موافقه ترلاسه کړې ده.

هغې وویل یوازې روس د افغانستان په جنگ کې ښکیلې ډلې د یو چت دلاندې کښېنولو ته تیار کړي وو. د نومبر په میاشت کې د ماسکو په غونډه کې د طالب استازو ترڅنگ د افغان حکومت نمایندگانو هم شرکت کړی و خو نیغ په نیغه یې د یو بل سره خبرې نه وې کړې.

روس، پاکستان او ایران وايي د طالبانو سره یې د روابطو هدف طالبان افغان حکومت سره مکالمې ته کښېنول دي.

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG