اوکرايني چارواکو ویلي د هېواد په جنوبي ښار مېکولېو د زیارت، پنجشنبې، په ورځ د روس په مزایل حمله کې یو تن وژل شوی او ۲۳ نور کسان زخمیان شوي دي.
د اوکراین صدر ولادېمېر زېلېنسکي په ټېلګرام خپل پېغام کې وویل مېکولېو په څلورو مزایل وېشتل شوی و چې د تور سمندر نه چلول شوي وو.
روسي مزایلو ځینو کورونو او ودانیو ته نقصان رسوولی. روس د دې خبرې تردېد کوي چې حملو کې ملکي هدفو وولي.
د زیارت، پنجشنبې، په ورځ د نېټو مشر ینس سټولټنبرګ په برسلز کې خبري غونډې ته وویل چې نېټو د اوکراین نهه بکتر بند برېګېډ تربیه کړي دي.
سټولټنبرګ د زېلېنسکي او د چین صدر شي جن پېنګ د خبرو هرکلی وکړو.
زېلېنسکي د شورو، چهارشنبې، په ورځ شي سره د خبرو تصدیق وکړو.
د شي او زېلېنسکي د خبرو په اړه د وي او ای د سفارتي چارو خبریاله سېنډي سېن وايي دا خبرې په داسې حال کې شوي چې په اوکراین کې بمبارۍ او تباهۍ دوام لري.
چین دا اعلان هم وکړو چې د اوکراین شخړه هواورلو دپاره به اوکراین او نورو ملکونو ته استازی استوي.
چين د خارجه وزارت چارواکي یو جون وویل د چین حکومت به د یورېشین چارو دپاره خصوصي استازی اوکراین او نورو ملکونو ته لېږي چې د اوکراین مسلې د سیاسي دپاره د ټوولو ډلو سره په ژورې رابطې وکړي
په واشنګتن کې د وایټ هاوس د نېشنل سېکیورټي کاونسل یا د قومي سلامتیا شورا ترجمان جان کربي هم د شي او د زېلېنسکي د خبرو هرکلی وکړو او ويې وېل شي او د چینايي مامورینو دپاره ضروري ده چې د هغه په قول د روس د غیرقانوني او بغیر د اشتعال یرغل نه ځانونه خبر کړي.
د روس د خارجه وزارت ترجمانې ماریا زخاروه وویل ماسکو په پراخه کچه د چین دریځ سره اتفاق لري خو تر ټولو خنډ د هغې په قول د اوکراین غیرحقیقي مطالبې دي.
شي د مارچ په میاشت کې د روس دوره وکړه او د روس صدر ولادېمېر پوټن سره يې وليدل. بېجنګ په اوکراین د روس د یرغل غندنه نه ده کړې او نه يې هم اوکراین نه د روسي ځواکونو د انخلا مطالبه کړې بلکې وايي اوړنده ډلې دې د ضبط نه کار واخلي. چین په نېټو هم الزام لګوي چې جنګ ته يې لمن وهلې.
د دې خبرو په بنیاد ځېني څېړونکي ډیر اعتماد نه لري چې چین امن دپاره د ثالثۍ کردار ادا کولی شي.
د کېتلېک یونېورسټي اف امریکا مایکل کېمېج وي او ای ته وايي دا هېڅ امکان نه لري چې په اوکراین کې جنګ د ختمولو دپاره به چین څه ګټه ور سفارتي جوکاټ وړاندې کړي.
په عین حال کې د روس د حزب اختلاف مشر الېکسي نوالني د شورو، چهارشبې، په ورځ وویل هغه ته ترهګرۍ په الزاماتو د عمر قید سزا ورکړی کېدلی شي. چارواکي په هغه د نوي مقدمې تیاری کوي. د انساني حقونو تنظيمونه او حکومتونه د نوالني د ازادۍ غوښتنه کوي او وايي په هغه غیر منطقي الزامات لګول شوي دي.
یادونه: د دې خبر معلومات د وي او ای د سفارتي چارو خبریالې سېنډي سېن او ځینې جزویات يې د روېټرز، ای اېف پي او روېټرز خبري ادارو نه اخیستل شوي دي
