لاس رسیدونکی لینک

تازه خبر

سيف اؤ کرينه د ژوند نوى سفر پيل کړو


نن په رسمي ډول د وادۀ سهرې په غاړه کړي دي اؤ د دواړو کورنو د مشرانو په موجودگۍ کې دغه وادۀ د ممبئ په باندره سيمه کې د کرينه کپور په کور کې رجسټرډ شوى دى
نن په رسمي ډول د وادۀ سهرې په غاړه کړي دي اؤ د دواړو کورنو د مشرانو په موجودگۍ کې دغه وادۀ د ممبئ په باندره سيمه کې د کرينه کپور په کور کې رجسټرډ شوى دى
دهند فلم انډسټرۍ سره تړلو هنرمندانو سره پخپل وطن کې د خلکو مينه خو اوس د چا د فهم اؤ نظر نه پناه خبره نۀ ده خو په نزدې وختونو کې د هندي فلمونو ستورو د گاونډي ايشيايي هيوادونو سره سره په خليجي اؤ اروپايي هيوادونو کې هم د فلم کتونکو په زړونو کې داسې ځايې جوړکړى دى چې ميډيا هڅه کوي د هندي فلمونو دمشهورو ايکټرانو د ژوند سره د تړلو مهمو اؤ غيراهمو واقعاتو په بيړه نړۍ ته د رسؤلو سره سبقت يوسي.
په دغه لړکې کۀ کله د هندي فلمونو د ايکټرانو اسکينډلونه مخې ته راځي نو کله د هغوئ دشخصي ژوند قيصې په غټوغټو ټکو خپرولى شي.
خو دتيرې څه مودې راهسې چې د هند فلم انډسټرۍ دننه کوم لويې خبر خبريالانو پيداکړى ؤ اؤ دهغې خپرولو ته يې په بيتابۍ سره پينځۀ انتظار کولو هغه د سيف علي خان اؤ کرينه کپور د وادۀ خبر ؤ اؤ نن دغه خبر په ټوله نړۍ کې خپور شو چې د هندي فلمونو دوؤ لويو ستور سيف علي خان اؤ کرينه کپور اخر هم د وادۀ په کولو سره د ژوند نوى سفر پيل کړو.
د بالي وډ دغو لويو ستورو د نهې په ورځ په رسمي ډول د وادۀ سهرې په غاړه کړي دي اؤ د دواړو کورنو د مشرانو په موجودگۍ کې دغه وادۀ د ممبئ په باندره سيمه کې د کرينه کپور په کور کې رجسټرډ شوى دى.
د وادۀ د دستورې په موقعه د کرينه کپور مور ببيتا اؤ پلار رندهير اؤ د سيف علي خان مور شرميلا ټيگور په نکاح نامه لاسليکونه کړي دي .
ټاکل شوې ده چې د وادۀ خوړه به هم د نهې په ماسختوتن په تاج هوټل کې ورکولى شي.
دوه څلويښت کلن سيف علي خان لۀ دې وړاندې هم د هندي فلمونو مشهورې ايکټرې امرتا سنگهـ سره وادۀ کړى ؤ خو د څو کلونو تيريدو وروستو د امرتا اؤ سيف ترمنيځ د رفاقت مزې وشليدل اؤ پينځۀ کاله وړاندې سيف علي خان د کرينه کپور سره د يارانې مزي وغځول چې اخر هم دغه يارانه په کور ودانۍ بدله شوه

ځانګړې ویډیوګانې

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG