د صومالیه سرښار موگادیشو کې د ټرک بم چاودنې له امله د وژل شوو کسانو شمیره د ٢٣٠ نه زیاته شوي ده. ددې خبرې تصدیق د صومالیه د پارلیمنټ نایب سپیکر ابشیرمحمد احمد وایس اف امریکا ته کړی دی.
د صومالیه صدر عبدالله هي فارماجو ویلي په بم چاودنه کې د بې گناه خلکو په وژل کیدو به د دریو ورځو پورې ماتم کولی شي او په دې مهال به قامي بېرغ نیم کښو ځوړندوي.
د خالي، شنبې، په ورځ شوي بم چاودنه کې د ٢٠٠ نه زیات کسان زخمیان شوي هم دي چې پکې د وایس اف امریکا یو خبریال هم شامل دی.
د بم چاودنې ذمه واري لا کومې ډلې نه ده اخېستي خو ددې نه وړاندې الشباب وسله والې ډلې د دا رنگه حملو پړه منلې ده. د القاعده سره تړلي الشباب د صومالیه حکومت رانسکورول او په هیواد کې د خپلې خوښې نظام پرځای کول غواړي.
امریکې او ملگرو ملتونو په موگادیشو کې د بم چاودنې غندنه کړي ده او په دې کې خلکو په وژل کیدو د خفگان څرگندونه کړي ده.
د بم چاودنې په زخمیانو د وي او ای صومالي څانگې خبریال عبدالقادر محمد عبدلي هم شامل دی. د هغه میرمن ویلي عبدلي په سر او لاس زخمي شوی دی.
