سري لنکا په اېشیا کپ مقابله کې افغانستان ته ماتې ورکړه

د اېشیا کپ په کرکټ مقابلو کې سري لنکا د نهې، سه شنبې، پهورځ د افغانستان کرکټ ټیم ته په دوو رنزونو ماتې ورکړه.

د افغانستان او سري لنکا ټیمونه د اېشیا کپ په ګروپ بي کې په لاهور کې ولوبېدل.

د مېچ ټاس سري لنکا وګټلو او په ومړبي بېټېنګ کې يې په ۵۰ اورونو کې د اتوو وېکټو په نقصان ۲۹۱ رنز جوړ کړل.

د سري لنکا په جواب کې افغانستان په ۳۷ اشاریه څلورو اورونو کې ۲۸۹ رنز جوړ کړل.

د افغانستان په اننګز کې محمد نبي ۶۵، حشمت الله شاهدي ۵۹ او رحمت شاه ۴۵ رنزونه جوړ کړل.

د نهې، سه شنبې، د ورځې مېچ وروسته پاکستان، هندوستان، بنګله دېش او سري لنکا د اېشیا کپ سوپر فور مرحلې ته ورسېدل.

د سوپر فور په یو مېچ کې پاکستان او بنګله دېش د شورو، چهارشنبې، په ورځ د یو بل سره مخامخ کېږي.

یادونه: د دې خبر معلومات د ای اېف پي خبري ادارې نه اخیستل شوي دي