لاس رسیدونکی لینک

Breaking News

سروی: په پاکستان کې د افغان کډوالو شمېر د حکومتي شمېرې نه کم دی


پاکستاني چارواکي وايي د تېر کال د اګست په میاشت کې په افغانستان د طالبانو د واکمنېدو نه پس درې لکه افغانان پاکستان ته کډوال شوي، په دغو کډوالو کې یو لک په ویزو او نور په غېر قانوني ډول پاکستان ته داخل شوي دي

د ملګرو ملتونو په مرسته شوي د یوې سروی یا څېړنې ترمخه په پاکستان کې یو اشاریه درې مېلین افغان کډوال مېشته دي، دا شمېره د هغه تعداد نه قریباً یو لکه کمه ده چې پاکستان يې تر اوسه پورې په رسمي ډول په هېواد کې د مېشتو افغانانو د شمېر په اړه ښښي.

د پاکستان حکومت د جمعې په ورځ یو بیان کې وویل چې په هېواد کې د افغانانو د شمېر په اړه د "ډرایو" نومې سروی د ملګرو ملتونو د کډوالو ادارې یو اېن اېچ سي ار په مرسته شوي ده.

د وی او ای د رپورټ ترمخه د کډوالو په شمېره کې د کمي په اړه چارواکو وویل ځینو افغان کورنیو یا خو د مهاجرت خپل دستاوېزات نه دي نوي کړي او یا ممکنه ده چې افغانستان ته ستانه شوي وي.

د افغان کډوالو چیف کمشنر سلیم خان وي او ای ته وویل چې په تېرو لسو کلونو کې په پاکستان کې د موجودو افغانانو په اړه تازه معلومات نه وو نو ځکه یې د شمېر په اړه سروی وکړی شوه چې د کډوالو د ضرورتو په پوهېږي کې به مرسته وکړي.

په سروی کې یو مېلین افغانانو ته سمارټ ايډېنټيټي کارډونه یا شناختي کارډونه ورکړي شول.

د چارواکو په قول د دغو کارډونو مېعاد د اینده کال د جون تر 30 نېټې پورې دی، په پاکستان کې په قانوني ډول د پاتې کېدو په لړ کې به یې تحفظ کوي او نورو بشري مرستو ته به هم رسايي لرلی شي.

په پاکستان کې د یو اېن اېچ سي ار نماینده نوریکو یوشیدا وویل سمارټ کارډونه به په پاکستان کې د حرکت په لړ کې د کډوالو مرسته کوي او د دې دلارې به لکه د تعلیم، صحت، بېنکي نظام او په کرایه د کور اخیستلو په شان بنیادي سهولتونو ته رسايي کولی شي.

د سروی ترمخه د یو اشاریه درې مېلین کډوالو د نیمايي نه زیاته برخه په خېرپښتونخوا صوبه کې مېشته دي.

د سروی ترمخه په پاکستان کې د افغان کډوالو 52 فیصد ابادي ماشومان دي او یوازې څلورفیصد د 60 کلونو نه د زیات عمر خلک دي.
په سروی کې د 267000 هغو افغان ماشومانو نوم لیکنه وشوه چې مخکې نه وو رجسټر شوي.

چارواکي وایي د سمارټ کارډونو دلارې کډوال په پاکستان کې بېنک اکاونټونه خلاصولی او په عرب او مغربي ملکونو کې د خپلو خپلوانو نه د بېنک دلارې به پېسې هم ترلاسه کولی شي.

د وي او ای رپورټ ترمخه په 1979 کې په افغانستان کې د پخواني شوري اتحاد پوځونو د مداخلت وروسته په مېلینونو افغانان پاکستان ته کډه وکړه، ځینې ستانه شوي خو یو اشاریه درې مېلین اوس هم په پاکستان کې مېشته دي.

پاکستاني چارواکي وايي د تېر کال د اګست په میاشت کې په افغانستان د طالبانو د واکمنېدو نه پس درې لکه افغانان پاکستان ته کډوال شوي، په دغو کډوالو کې یو لک په ویزو او نور په غېر قانوني ډول پاکستان ته داخل شوي دي.

XS
SM
MD
LG