لاس رسیدونکی لینک

Breaking News

د بلوچستان صوبې د 72 اربه روپو د خسارې بجټ وړاندې کړی شوی


بلوچستان حکومت د راتلونکي مالي کال لپاره 612.70 اربه روپو ټیکس فري بجټ وړاندی کړی دی په بجټ کې د 72 اربه روپۍ خساره هم ښودل شوې ده.

د راتلونکي مالي کال 2022-23 بجټ سردار عبدالرحمان کیهران پرون د نهې/ سه شنبې په ورځ ناوخته [21 جون] وړاندې کړی دی.

د بجټ ټول ټال حجم 612.70 اربه روپۍ ښودل شوی او د روان مالي کال په بجټ کې د پرمختيايي لګښتونو اندازه 246 اربه روپۍ شوې ده چې پکې به د بلوچستان حکومت 191 اربه روپۍ ورکوي.

د بهرنۍ بوديجې برخه 14 اربه روپۍ اټکل شوې ده.

صوبای وزیر خزانه سردار عبدالرحمن کهیتران وویل د راتلونکي مالي کال په بجټ کې د تعلیم برخې ته لومړیتوب ورکړی شوی او د دې لپاره 83.21 اربه روپۍ ځانګړې شوي دي.

سردار عبدالرحمن کهیتران وویل چې دا صوبه د خپل محل وقع له سوبه د امنیتي وضعې له چېلنج سره مخ ده هم له دې کبله د امن و امان لپاره 44 اربه روپۍ ځانګړې کړی شوي دي، په کوم کې چې 42 اربه روپۍ د غېر ترقیاتي 2 اربه روپۍ د پر مختیا لپاره دي.

د اپوزيشن غړو د بجټ وېنا په خاموشۍ سره اورېدلې، او د بجټ د وینا پر مهال یې د حکومت د ملاتړ له پاره میزونه هم ټکول.

صوبايي وزیر وویل چې دروان کال په مالي بجټ کې د ښځو د تربيې له په لومړي د 100 ملينه روپو په لګښت پروګرام پېل کيږي.

د ښځو لپاره د ماشومانو د روزنی د ښځو ځانګړي بازارونه، او ښځو ته د واک ورکولو پروګرام او د صنفی تشدد د مخنوي د پروګرام منظوري ورکړې ده او ويل شوي د ښځو د حقوقو د خوندي ساتلو لپاره د ښځو د پرمختيا يا وېمن ډیولپمنټ باندې هم کار روان دی.

ويل شوي د صحت برخې ته هم لومړیتوب ورکړی شوی دی چې پکې 43 اربه روپۍ زیاتې ځانګړی کړی شوي دي.

په بودیجه کې کومه نوې مالیه نه ده لګول شوې، د سرکاري ملازمينو معاشونه 15 فيصده سېوا کړی شوي او په بجټ کې 8000 نوې نوې نوکرۍ هم اعلان شوي دي.

XS
SM
MD
LG