د امریکې د کېلېفورنیا ریاست د لاس اېنجلس ښار په خوا او شا سیمو کې د سختو اورونو دلاسه په زرګونو خلک کورونه په پرېښودو مجبور شوي دي. د شورو، چهارشنبې، په ورځ چارواکو تشویش لرلو چې صورتحال نور هم خرابېدلی شي.
د تندې هوا په سبب اورونو زور نیولی دی او اور وژونکو کوښښونه کول چې لمبې مړې کړي. ګڼ شمېر کورونه تباه شوي دي.
د متاثره علاقې نه د لسګونو زرګونو په شمېره کې خلکو د وتلو په سبب په سړکونو ټرېفېک جام شوی دی.
اور د نهې، سه شنبې، په ورځ د لاس اېنجلس نه په شمال مشرق کې په غرونو کې ولګېدو او لمبې يې په تېزۍ خورې شوې.
د دې نه څو ګنټې مخکې یو بل اور د لاس اېنجلس ښار په پېسېفېک پالېسېډز نومې علاقه کې شروع شوی و. دا غرنۍ علاقه ده چې د بحرالکاهل سمندر په ساحل پرته ده او د ګڼ شمېر مشهورو کسانو کورونه په کې موجود دي.
په سړکونو د موټرو حرکت په دې سبب هم منجمد شوی و چې په لسګونو خلکو خپلې موټرې پرېښودې او په پښو د متاثره سیمو نه ووتل.
Forum