لاس رسیدونکی لینک

Breaking News

د ټي اېل پي مشر د قید نه ازاد شو خو څېړونکي وايي د پارلېمنټ غړی علي وزیر لا په زندان کې دی


علي وزیر

د مذهبي ډلې تحریک لبېک سره د معاهدې ترمخه حکومت د تحریک مشر سعد رضوي د لاهور د کوټ لکهپت بندي خانې نه ازاد کړو.

څیړونکي وایې د یو تندروه تنظیم مشر ازادول او د پارلېمنټ غړي علي وزیر په قېد کې بند ساتل ښاي چې د پاکستان موجوده حکومت او طاقتوره پوځ د پاکستان نه یو تندروه اؤ بنیاد پرسته هیواد جوړول غواړي.

څېړوونکي وايي د تحریک طالبان سره مذاکرات کولی شي، په افغانستان کې د افغان طالبانو ملاتړ کوي اؤ تحریک لبیک په شان تنظیم مشر خوشی کوي.

د مشر سعد رضوي د خوشې کېدو تصدیق د ډلې ترجمان صدام بخاري وي اوای ډیوه ته وکړو خو نور تفصلات یې د شریکولو نه ډډه وکړه.

سعد رضوي سږ کال د اپریل په دولسمه نېټه په لاهور کې نیول شوی و. د سعد رضوي د ګرفتارۍ په ضد د تحریک لبیک د پر تشدد مظاهرو نه پس حکومت ټي اېل پي غېر قانونه تنظیم وټاکلو.

تېره میاشت د پیغمر اسلام د عکسونو په معامله پاکستان نه د فرانس سفیر د ویستلو او د سعد رضوي د ازادۍ دپاره ټي اېل پي د تشدد نه ډکې مظاهرې وکړي چې پکښې د پولیسو پشمول نهه تنه وژل شوي دي.

د ټي اېل پي د مظاهرو وروسته حکومت د ډلې سره مذاکرات او بیا معاهده وکړه او د تنظیم یو شمیر غوښتنې یې ومنلې چې پکې د سعد رضوي‌ د ازادولو او په تنظیم د بندیز ختمولو غوښتنې هم شامل وې.

د تحریک لبېک مشر سعد رضوي‌ په داسې حال کې ازاد کړی شوی رها کړی شوی چې یوه ورځ وړاندې د پارلېمنټ مشترکه غونډې ته د جنوبي وزیرستان نه د قامي اسمبلۍ غړی علې وزیر نه و راوستل شوي او د اسمبلۍ سپېکر د هغه پروډکشن آرډر یا د علي وزیر اسمبلۍ ته د راوستلو امر نه و جاري کړی او هم په دې لړ کې د حزب اختلاف ګوندونو په حکومت اؤ داسمبلۍ په سپیکر اسد قیصر سختې نیوکې کړې وې.

د شمالي وزیرستان نه د قامي اسمبلۍ غړي محسن ډاوړ وي او ای ډيوه ته وویل د علي‌ وزیر په جیل کې ساتل او سعد رضوي خوشې کول ښاي‌ چې د پاکستان ریاست اؤ طاقتوره ادارې هر ممکن کوښښ کوي چې هغه آواز غلی کړي چې د ترهګرۍ پرضد پورته کیږي خو بلخوا چې د محسن داوړ په وېنا څوک په رښتیا ترهګر دي، د پاکستان ریاست ورته هرکلی وايي.

محسن ډاوړ وایې پاکستان د تحریک طالبان اؤ د تحریک لبېک سره خو مذاکرات کولې شي خوعلي‌ وزیر چې ولس د پارلېمنټ غړی منتخب کړی هغه یې په بندي خانه کې په دې ساتلی چې د ریاست په هغه تګلارو به یې تنقید کولو چې له وجې یې ترهګرۍ وده کړې ده.

د سیاسي چارو څېړونکی سرفراز خان وایي که څوک پاکستان په آسانه پیژندل غواړي نو دا دوه واضحه مثالونه ورته مخامخ دي، چې د ترهګرۍ خلاف آواز پورته کونکی به جیل کې وي‌ اؤ ترهګر به آزاد ګرځي.

ډاکټر سرفراز وایې پوځ د پاکستان نه یو بنیاد پرسته اؤ تندروه هیواد جوړول غواړي، دلته د تحریک لبېک اؤ تحریک طالبان سره مذاکرت اؤ په افغانستان کې د طالبانو ملاتړ نه ظاهره ده، پاکستان ریاست د کوم قسمه طاقتونو ملګری دی؟

د پاکستان پوځي چارواکي وايي په هېواد کې د وسله والو‌ ډلو په ضد بغیر د څه امتیاز عملیات کوي او د ملک په سیاسي چارو کې پوځي ادارې مداخلت نه کوي.

XS
SM
MD
LG