لاس رسیدونکی لینک

Breaking News

اوکراین وايي د روس ډرون يې راغورځولي دي


د متحده قومونو دپاره د اوکراین سفیرې اوکسانه مارکاروه د امریکې ای بي سي ټېلې وژن ته د اتوار، يکشنبې، په ورځ وویل د روس مزایل حملو د اوکراین د بجلۍ نظام تباه کړی دی او د دې د مخنیوي یوازنۍ لار اوکراین ته هوايي دفاعي نظام ورکول دي

د اوکراین پوځ د ګل، دوشنبې، په ورځ وویل چې روس سرښار کییف په ډرون جهازونو په هدف کړی دی او د اوکراین ځواکونو د ایران جوړ نهه شاهد نومې ډرون راغورځولي دي.

په کییف د روس د تازه ډرون حملو نه څو ګنټې مخکې د اوکراین صدر ولادومېر زېلېنسکي په خپلو اتحادیانو غږ کړی و چې د روسي حملو مخنیوي دپاره دې اوکراین ته د هوايي دفاعي نظام ورکړي.

روس په ورستیو ورځو کې په کییف او د اوکراین په نورو ښارونو حملو دپاره د ایران جوړ ډرون استعمالوي.

د اوکراین حکومت د ګل، دوشنبې، په ورځ په ټېلېګرام یو پوسټ کې وویل چې ځواکونو يې نهه ډرون راغورځولي دی.

د اوکراین صدر ولادومېر زېلېنسکي د اتوار، يکشنبې، په ورځ قام ته خپله روزانه وېنا کې وویل هوايي دفاعي نظام يې د ملک دپاره لومړۍ ترجیح ده.

هغه وویل که چېرې اوکراین ته د هوايي دفاعي نظام ورکړی شي نو دا به د روس جارحیت د ختمولو په لوري یو ګام وي.

د متحده قومونو دپاره د اوکراین سفیرې اوکسانه مارکاروه د امریکې ای بي سي ټېلې وژن ته د اتوار، يکشنبې، په ورځ وویل د روس مزایل حملو د اوکراین د بجلۍ نظام تباه کړی دی او د دې د مخنیوي یوازنۍ لار اوکراین ته هوايي دفاعي نظام ورکول دي.

امریکايي چارواکو ویلي اوکراین ته د هوايي دفاعي نظام دپاره پېټرېیاټ مزایل لېږلو په اړه غور کوي. خو امریکې په دې اړه په رسمي ډول اعلان نه دی کړی.

روس اوکراین ته د امریکايي مزایلو ورکولو د مجوزه ارادې مخالفت کړی او ویلي يې دي چې دا راپارونکی ګام دی او د اوکراین په جګړه کې به د امریکې ښکیلتیا نوره هم زیاته کړي.

اوکراین سره د مرستې په لړ کې د برطانيي وزیراعظم رشي سوناک ویلي هغه به د ګل، دوشنبې، په ورځ به هغه اوکراین ته د توپو ورکولو په لړ کې اعلان کوي.

یادونه: د دې خبر معلومات د ای اېف پي، روېټرز او ای پي خبري ادارو نه اخیستل شوي دي

ځانګړې ویډیوګانې

د پښتو ژبې د مزاحمتي شاعر ملا عبدالسلام اشېزي 49م تلين ولمانځل شو
please wait

No media source currently available

0:00 0:03:01 0:00

هېلو وي او اې په ټي وي

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG