د ملګرو ملتونو سرمنشي انټونیو ګوټېرس د اتوار په ورځ په اسرایل نیوکې کړي چې غزه ته تلونکي امدادي ټرکونه یې ودرولي چرته چې ٫٫وحشت او لوږه د غزې خلک ځوروي٬٬ او یواځې اسرایل دغه مشکل حل کولی شي چې غزې ته نور امدادي سامان ورسیږي.
ښاغلي ګوټېرش قاهرې ته په رسیدو او د مصري چارواکو سره د لیدو په وخت ویلي، ٫٫ ځه دا خبره په ډاګه کوم. د حماس لخوا د اکتوبر په ۷مه نېټه د کرکې ډک برید او اسرایلیان تښتول هیڅ جواز نه جوړیږي.٬٬
ښاغلی ګوټېرش د اسرایل او حماس په جګړه کې د شپږو اونیو ډزبندۍ لپاره مصر ته رسیدلی او وړاندې یې زیاته کړې، ٫٫ ټولو فلسطینیانو په ګډه د سزا ورکولو هیڅ جواز نه جوړیږي.٬٬
تیره ورځ د غزه سره په پوله په رفح کراسنګ ګوټېرش ویلي غزه ته د امدادي سامانونو نه لیږل یو ٫٫ اخلاقي غصب٬٬ دی. نوموړي ویلي ٫٫ دلته د دې پولې یا کراسنګ نه مونږ مات او بې زړه خلک وینو. د لوې دروازې یو خوا ته د امدادي سامانونو ډک ټرکونه ولاړ دي او بل اړخ ته د لوږې اوږده تیاره.٬٬
نوموړي ویلي غزه ته د امدادي سامانونو لیږلو یواځینې او اسانه لار په سړکونو د امدادي سامانونو زیات ټرکونه لیږل دي. ٫٫ هره ورځ د فلسطینیانو په انساني کرامت برید په نړیواله ټولنه د باور یو بل کړکیچ رامنځ ته کوي.٬٬
انټونیو ګوټېرش په مصر کې دغه خبرې په داسې وخت کړي چې په غزه کې د اتوار په ورځ سخته جګړه شوې. اسرایل د امریکا نیوکو پرته او په قطر کې د ډزبندۍ لپاره روانو خبرو اترو تر څنګ رفح ته جګړه غځولې. خو اسرایل لا هم د غزه جنوبي برخو ته مکمل جنګ نه دی غځولی.
د اسرایل د جګړې یو شمېر پلان جوړونکي چې پکې د دفاع وزیر هم شامل دی، روانه اونۍ د امریکايي چارواکو سره د خبرو اترو لپاره واشنګټن ته روان شوي. امریکايي چارواکي هڅې کوي په یو داسې ځاې کې نوره بشر وژنه ودروي چرته چې د یو مېلین (لس لکو) نه زیات خلک په عارضي کېمپونو کې ژوند کوي.
واشنګټن په ډاګه کړې چې په رفح د یو داسې برید مرسته به نه کوي چې پکې د عامو وګړو د خوندي ساتلو پلان نه وي، خو تر اوسه اسرایل دا نه دي ویلي چې دوي به عام فلسطینیان کوم ځاې ته لیږي. دغلته زیاتره کډوال د اسرایل لخوا په شمالي غزه کې د بریدو په وخت د اسرایل په وینا لیږل شوي وو.
د اسرایل وزیراعظم بنجمن نیتن یاهو بیا د امریکا دغه خبره رد کړې او زیاته کړې یې ده ٫٫ رفح ته د ورتلو پرته او هلته د حماس ډلې د وسله والو ختمولو پرته حماس ته د ماتې ورکولو بله کومه لار نشته.٬٬
اسرایلي مشر د جمعې په ورځ د امریکا خارجه چارو سېکتر انټني بلنکن سره د لیدو په وخت ویلي، ٫٫ ځه هیله لرم چې مونږ به دغه د امریکا په مرسته وکړو، خو که حاجت شو مونږ دغه کار یواځې هم کولی شو.٬٬
په غزه کې د حماس لخوا چلیدونکې د صحت وزارت ویلي تیره ورځ نور ۸۴ کسان وژل شوي چې په دغه جنګ کې د وژل شوي کسانو شمېره ۳۲۲۲۶ ته رسېدلې. په دغه شمېره کې د اسرایل لخوا وژل شوي د حماس جنګیالي هم شامل دي.
د اسرایل او حماس تر منځه جګړه د اکتوبر په ۷مه نیټه د حماس وسله والو لخوا په اسرایل د خونړي برید وروسته شورو شوې. کله چې حماس وسله والو په یو ناڅافي برید کې د ۱۲۰۰ اسرایل ووژل او ۲۵۰ نور یې وتښتول. په تښتول شوو کې لا هم د ۱۰۰ پورې اسرایل لا هم د حماس په ولقه کې دي.
د دې خبر ځیني معلومات د اېسوسي اېټډ پرېس خبري ادارې، راېټرز او ای اېف پي نه اخستل شوي.
Forum