د امریکې خارجه وزیر جان کیري د توار، یکشنبې، په ورځ په یورپ کې د مسلمانانو د اکثریتي ابادۍ ملک البانیه دوره وکړه او د بډو رشوتونو ختمولو دپاره يي د هیواد د عدالتي اصلاحاتو ملاتړ وکړو.
جان کیري د البانیه سرښار ترانه کې خپلې دورې په مهال د البانیه وزیراعظم ایدي راما او نورو لوړ رتبه حکومت چارواکو سره ولیدل.
ایدي راما سره د خبرو ورسته جان کیري وویل د اصلاحاتو په لړ کې البانیه په صحیح لوري روان دی.
په ځواب کې ایدي راما د امریکې شکریه ادا کړه او وې ویل د واشنگټن د کومک او مرستې پرته به البانیه په اصلاحاتو کې دومره پرمختگ نه وو کړی.
البانیه د داعش خلاف د امریکې په ائتلاف کې شامل هیواد دی او په دې لړ کې يي د عراق پش مرگه ځواکونو ته وسله ورکړې ده.
البانیه د نیټو اتحادي هیواد دی او په پورپین یونین کې د شاملیدو خواهش لري.
بډو رشوتونو خلاف د عدالتي اصلاحاتو په لړ کې امریکا او یورپین یونین د البانیه مرسته کړې ده او د امریکې خارجه وزارت، سټیټ ډپارټمنټ، ویلي د امریکې تحقیقاتي ادارې، ایف بي ايي، په رنگ د یوې حکومتی ادارې په قیام کې به د البانیه مدد کوي.