د کریډټ یا قرض د معیار ناپ تول نړیوالې ادارې سټېنډرډ اینډ پورز (ایس اینډ پي) په لومړی ځل د امریکا کریډټ د باورتیا کچه د دریو اې نه دوؤ اې مثبت ته ښکته کړې ده.
د ایس اینډ پي لخوا دغه گام د امریکا اقتصاد مضبوطولی په اړه منفي نظر ښائي.
ایس اینډ پي د جمعې په ورځ خپل اخستل شوي گام په اړه وئیلی د امریکا د قرض کچه اوچتولو او د بجټ کسر یا زیان کمولو لپاره د کانگرس لخوا منظور شوي منصوبه د اقتصاد لپاره پائیداره نه وه.
د سپېنې ماڼې چارواکو وئیلی ایس اینډ پي د امریکا اقتصاد او د قرض حد اوچتولو لپاره جوړې شوي منصوبی په اړه غلطه اندازه لگولی ده.
د امریکا د خزانی وزارت د ایس اینډ پي اندازه عېبجن گرځولې ده او وئیلي ایس اینډ پي د امریکا قرضونو په اړه د دوه ټریلین ډالر غلط حساب لگولی دی.
د خزانی وزارت زیاتوي چې ایس اینډ پي خپله غلطی مني خو ولې بیا یې هم خپله پریکړه برقرار ساتلې ده.
ایس اینډ پي د امریکا د قرض د باروتیا کچه ښکته کړې
1
