د امریکا د پوځ مرکزي کمان مشر جنرال کینیت میک کینزي نن د یو ۱۷ کسیزه پلاوي سره د پاکستان پایه تخت اسلام اباد ته رسیدلی.
پاکستاني میډیا وايي امریکاي پلاوی به د هیواد حکومتي او پوځي مشرانو سره د سیمي په مهمو مسلوخبرې اترې کوي.
وړاندې د هندي بحرالکاهل سیمې ملکونو لپاره د امریکې د دفاع ناېب سېکتر رینډل شریور ویلی وو د امریکا د دفاع چارو یو اعلا پلاوی به راتلونکې اونۍ د پاکستان او افغانستان سفر کوي.
په واشنګټن ډي سي کې د پاکستان په سفارتخانه کې د زیارت یا پنجشنبې په ورځ یوې دستورې ته په وینا کې نوموړي ویلي د پاکستاني مشرانو سره به د دواړه ملکونو په راتلونکې کې تعلقاتو او همکارۍ زیاتولو په سر خبرې اترې کوي.
نوموړي ویلي امریکا او پاکستان دترهګرۍ پرضد جنګ کې غټې قربانۍ ورکړي او دا چې د دواړه هیوادونو اړیکې یو مضبوط بنیاد لري.
رینډل شریور د افغانستان سولته ترلاسه کولو په هڅو کې د پاکستان کردار مهم بللی.
د پېنټاګان چارواکو وي او ای ته ویلی چې د پاکستان تر څنګ په امریکايي پلاوی د افغانستان، قزاقستان او ازبکستان سفرونه هم کوي.
