د امریکي صدر جوبایډن او د جرمني چانسلر اولف شولز ژمنه کړې روس به په اوکراین د یرغل قیمت ادا کولو ته مجبوروي. او امریکې د جمعې په ورځ اوکراین سره د 400 مېلین ډالرو مالیت نور پوځي امداد اعلان وکړو.
بایدڼ او شولز د جمعې په ورځ په وایټ هاوس کې ملاقات وکړو.
د ملاقات په اړه د وایټ هاوس بیان وویل بایډن او شولز اوکراین سره د انساني، امنیتي، اقتصادي او سیاسي مرستو په اړه هم بحث وکړو او د اوکراین ولس د نړیوالي ټولنې د ملاتړ په اهمیت یې ټینګار وکړو.
د وایټ هاوس د بیان ترمخه، بایډن او شولز دا ژمنه هم وکړه چې په روس به د اوکراین د یرغل "قیمت نافذ" کوي تر هغه وخت پورې چې تر څو يې ضرورت وي.
د وایټ هاوس په بیان کې په روس د جنګ قیمت د نافذ کولو په اړه نور تفصیل نه و وړاندې کړی شوی.
تېر کال د فېبرورۍ په 24 نېټه په اوکراین د یرغل په سر د امریکې او د جرمني په شمول نورو مغربي ملکونو د ماسکو په ضد اقتصادي پابندۍ لګولي دي.
اوکراین سره د 400 مېلین ډالرو نور امریکايي امداد اعلان د امریکې خارجه وزیر اېنټني بلېنکن وکړو.
هغه وویل په نوي امداد کې به اوکراین ته ګوله بارود، بکتر بند موټرې او نور ساز او سامان ورکولی شي.
بلېنکن د جمعې په ورځ د هندوستان، جاپان او اسټرېلیا له خارجه وزیرانو سره تر ولیدل او د ملاقات وروسته یې وویل روس به په اوکراین کې د جګړې له سزا خلاص نه شي.
د کواډ ګروپ په نامه د دغو څلورو هېوادونو غړو په نوي دلي کې د جي-20 هېوادونو د غونډې په څنډه کې سره لیدلي دي.
د ناستې په اړه بلېنکن د ټوېټر دلارې وویل "موږ پر هغو لارو چارو ګټورې خبرې وکړې چې موږ څنګه کولای شو د اوکراین نوره مرسته او ملاتړ وکړو او د مهمې او نوې ټیکنالوجۍ په برخه کې یې همکاري وکړو".
