لاس رسیدونکی لینک

Breaking News

 امریکا، اروپايې اتحاد او برتانیې په ایران نوي بندېزونه لګولي


د ایران صدر ابراهیم رېیسي د متحده قومونو غونډې ته وېنا کوي. ایران ویلي هېواد به زر د یورپي اتحاد خلاف هم بندیزونه اعلان کړي

امریکا د اروپايې اتحاد او برتانیې سره په ګډه په ایران نوي بندېزونه په ځای کړي دي او د امریکې د خارجه وزارت ترجمان نیډ پرایس ویلي د نوو بندېزونو مقصد په ایران کې د بشري حقونو سرغړونو ته ځواب ورکول دي.

د امریکا لخوا بندېزونه

د امریکا خارجه وزارت ترجمان نیډ پرایس د ګل دوشنبې په ورځ د یو خبري کانفرنس په وخت ویلي د ایران د استخباراتو نایب وزیر او د پاسداران انقلاب لس اهمه کمانډران د بندېزونو په ګرفت کې راوستل شوي دي.

نیډ پرایس زیاته کړې دغه بندېزونه یې د اتحادیانو او شراکت دارو سره په مشوره په ځای کړي دي چې یوشمېر اړخونه لري او د تازه بندېزونه د پېل شوې لړی لمړی پړاو دی.

نیډ پرایس د خبري کانفرنس په وخت وویل نوي بندېزونه یې په ایران کې د حق غوښتونکو په ضد د کاروایانو او ګرفتاریانو په ځواب کې په ځای کړي دي.

پرایس ویلي په کومو ایراني چارواکو چې بندېزونه په ځای کړی شوي دوي په مظاهرچیانو ظالمانه تشدد کې ککړ دي.

د یورپي یونین بندېزونه

یورپي یونین هم د ګل دوشنبې په ورځ بندېزونه اعلان کړل چې له مخې یې د ګډو بندیزونو نه علاوه پورپ په خصوصي توګه د ایران د لوبو د وزیر حامد سجادي، د ایران د پولیسو، پاسداران انقلاب اهمو افسرانو، د سایبر سیکیورټي او د دې سره د تړلو کمپنو او اهمو چارواکو نومونه هم د بندیزونو په لسټ کې شامل کړل.

د برتانيې بندېزونه

د یورپي یونین سره د ګډ لسټ نه علاوه د برتانيې لخوا د ایران مشر سرکاري وکیل احمد فازیلین نوم هم د بندېزونو په لسټ کې شامل کړی شوې دی.

د برتانيې خارجه وزارت په یو بیان کې ویلي چې فازیلین د غېرمنصفانه عدالتي نظام او سیاسي فعالانو د مرګ سزاګانو په سر د بندېزونو په لسټ کې شامل کړی شوی دی.

د برتانيې خارجه وزیر جیمز کلیورلی هم بیان کې ویلي چې هېواد یې هغه ټول خلک په بندېزونو کې راوستي چې د عدالتونو نه واخله تر د سړکونو پورې د احتجانونو مخنیوي او په اولسي احتجاجونو باندې تشدد کې یې رول لوبولی.

د ایران غبرګون

ایران د نوو بندېزونو غندنه کړې او د هېواد د خارجه وزارت ترجمان ناصر کنعاني په یو بیان کې ویلي ایران به هم د اروپايي اتحاد او برتانيې په خلاف زر د بندېزونو لسټ جاري کړي.

یادونه: د دې خبر معلومات د وي او ای، د ای پي او د روېټرز خبري ادارې د رپورټونو نه اخیستل شوي دي

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG