لاس رسیدونکی لینک

تازه خبر

امریکايي او ناټو چارواکو طالبانو سره د نیغ په نیغه مذاکراتو خبرونه رد کړي


امریکايي چارواکو او په افغانستان کې د امریکا په مشرۍ کې ناټو اېتلاف هغه رپورټونه رد کړي چې وايي صدر ډانلډ ټرمپ خپل صلاحکارانو ته د افغان طالبانو سره د نیغ په نیغه خبرو کولو امر کړی.

د اتوار په ورځ د امریکا نیو یارک ټاېمز اخبار په افغانستان کې د تیرو ۱۷ کالو راهسې روانې جګړې ختمیدو د پاره په امریکايي پاليسۍ کې دغه یو مهم بدلون بللی وو. د اخبار تر مخه ګڼ شمیر اعلا امریکایي او افغان چارواکو د دغه خبرې پخلی کړی وو.

د ګل (دوشنبې) په ورځ په افغانستان کې د امریکا په مشرۍ ناټو اېتلاف په یو بیان کې هغه میډیايي رپورټونه رد کړي چې پکې ویل شوي وو د ناټو مشر امریکايي جنرال جان نکولسن د جولايي په ۱۶مه نېټه د قندهار د سفر په مهال ویلي ٫٫ امریکا نیغ په نیغه د طالبانو سره خبرو اترو ته تیاره ده.٬٬

په دغه بیان کې جنرال جان نکولسن زیاتوي:٫٫ امریکا د افغان اولس یا د افغان حکومت متبادل نه شي کیدلی. زه د امریکا د خارجه چارو سېکتر ماېک پمپیو بیان بیا تکراروم، چې امریکا په افغانستان کې د سولې لپاره د افغان طالبانو، افغان حکومت او افغان اولس سره کار کولو ته تیاره ده.٬٬

هم د ګل په ورځ د امریکا د بهرنو چارو وزارت ویاند ویلي ٫٫ امریکا د افغان حکومت سره په دغه هیواد کې د سولې پروسې د پرمختګ د پاره ټولې لارې ګوري. او د افغانستان سیاسي راتلونکي په اړه خبرې اترې به د افغان حکومت او افغان طالبانو تر مېنځ کیږي.٬٬

د امریکا یو شمیر اعلا چارواکو په نژدیو ورځو کې د پاکستان او افغانستان سفرونه کړي. د نیویارک ټاېمز د خبر تر مخه دغه چارواکو په پاکستان او افغانستان کې د طالبانو سره د خبرو اترو لپاره ٫٫ د مهمو لوبغاړو ٬٬ سره خبرې کولې. د رپورټ تر مخه امریکايي او افغان چارواکي په دې خبره زیات صلاح ښکاري چې د سولې پروسې تندولو او څه نتیجې ته رسیدلو لپاره امریکا د سولې خبرو اترو کې نیغ په نیغه رول ولري.

خو د ګل په ورځ د امریکا پوځي چارواکو ویلي د افغانستان د سولې پروسې مشري به افغان حکومت کوي.

طالبان د اوږدې مودې راهسې د امريکا سره د افغانستان د سولې د خبرو کولو غږ کوي او افغان حکومت د غربي هیوادونو ګوډاګې بلي. خو امريکا په دې ټينګار کوي چې خبرې دې د افغانستان په مشرۍ ترسره شي.

نيويارک ټايمز ورځپاڼې د اتوار په ورځ په خپل رپورټ کې ویلي وو د خبرو دپاره کومه نېټه نه ده ټاکل شوې او دغه هڅې هم ناکامه کېدی شي خو د امريکا د خبرو دپاره رضامندي دې اړخ ته اشاره ده چې په افغانستان کې کړکېچ مات کړي.

ځانګړې ویډیوګانې


د امریکايي خبریال د روس په زندان کې کال پوره کېدونکی دی
please wait

No media source currently available

0:00 0:04:17 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG