لاس رسیدونکی لینک

تازه خبر

امریکې او جنوبي کوریا د روس او د شمالي کوریا په پوځي همکارۍ د تشویش اظهار کړی


روس ته د سفر په موقع د شمالي کوریا د مشر کېم جونګ اون شاهانه هرکلی وشو. د روس صدر ولادېميرپوټن پخپله د شمالي کوریا مشر ته د روس د راکټونو چلولو جدید ترین مرکز وښودلو چې د روس په لري پرته مشرقي سیمه کې پروت دی
روس ته د سفر په موقع د شمالي کوریا د مشر کېم جونګ اون شاهانه هرکلی وشو. د روس صدر ولادېميرپوټن پخپله د شمالي کوریا مشر ته د روس د راکټونو چلولو جدید ترین مرکز وښودلو چې د روس په لري پرته مشرقي سیمه کې پروت دی

د امریکې او د جنوبي کوریا چاروکو د روس او شمالي کوریا په پوځي تعلقاتو کې د زیاتوالي په امکان تشویش څرګند کړی او د امریکې د قومي سلامتیا شورا ترجمان جان کربي ویلی یو ملک ته هم نه دي پکار چې د هغه په قول د اوکرانیانو په وژلو کې د روس مرسته و کړي.

د روس صدر ولادېمیر پوټن او د شمالي کوریا د مشر کېم جونګ اون د شورو، چهارشنبې، په ورځ په روس کې د ملاقات په مهال دوه اړخیزه پوځي همکارۍ د زیاتولو په موضوع خبرې وکړې.

د شمالي کوریا د ګاونډي ملک جنوبي کوریا د خارجه وزارت ترجمان لېم سوو سوک د کېم او پوټڼ د ملاقات په اړه د زیارت، پنجشبې، په ورځ وویل چې د هېواد صدر به يې د روس او د شمالي کوریا د پوځي تعلقاتو مسله دا میاشت د ملګرو ملتونو د جنرل اسمبلۍ په غونډه کې اوچتوي.

جنوبي کوریا د خفګان اظهار وکړو چې کېم او پوټن په پوځي همکارۍ او د سیارو په جوړولو هم خبرې وکړې.

روس ته د سفر په موقع د شمالي کوریا د مشر کېم جونګ اون شاهانه هرکلی وشو. د روس صدر ولادېميرپوټن پخپله د شمالي کوریا مشر ته د روس د راکټونو چلولو جدید ترین مرکز وښودلو چې د روس په لري پرته مشرقي سیمه کې پروت دی. د رپورټونو ترمخه دواړو مشرانو په دې امکان هم خبرې وکړې چې روس به د شمالي کوریا خلابازان خلا ته لېږي او کېم د راکټونو په باره کې تفصیلي پوښتنې وکړې.

کېم سره د ملاقات نه پس پوټن د روس سرکاري ټېلې وژن ته وویل چې شمالي کوریا سره د پوځي همکارۍ امکانات موجود دي، د دې باوجود چې دواړه ملکونو د پابندیو ښکار دي.

د امریکې د نېشنل سېکیورتي کاونسل یا د قومي سلامتیا شورا ترجمان جان کربي
د امریکې د نېشنل سېکیورتي کاونسل یا د قومي سلامتیا شورا ترجمان جان کربي

کېم وویل روس سره تعلقات به خپله وړمبۍ ترجیح جوړوي. هغه دا خبره واضحه کړه چې په اوکراین د یرغل په لړ کې د روس حمایت کوي. هغه وویل د هغو ټولو اقداماتو يې په مکمله توګه او د بغیر د څه شرط د حمایت اظهار کړی دی چې روسي حکومت او صدر پوټن اخیستي دي.

که پوټن او کېم په خپلو زیاتېدونکو پوځي تعلقاتو خوشحالي وکړه نو واشنګټن پې د تشویش اظهار وکړو.

د امریکې د نېشنل سېکیورتي کاونسل یا د قومي سلامتیا شورا ترجمان جان کربي وویل پکار نه ده چې یو ملک هم د روس امداد وکړي.

جان کربي وویل "په دې ځمکه هېڅ یو ملک، هېڅ څوک، باید د پوټن مرسته و نه کړي چې معصوم اوکراینیان ووژني. او که څوک د څه قسمه وسلې د معاهدې سره مخته درومي نو څرګنده خبره ده چې مونږ به يې په پام کې نیسو او مناسبه معامله به ورسره کوو."

د امریکې خارجه وزات یا سټېټ ډپارټمنټ هم د پوټن او کېم د ملاقات په اړه اندېښمني څرګنده کړه.

د سټېټ ډپارټمنټ ترجمان مېتیو مېلر
د سټېټ ډپارټمنټ ترجمان مېتیو مېلر

د سټېټ ډپارټمنټ ترجمان مېتیو مېلر وویل "زه به ووایم چې دا د تشویش خبره ده کله چې تاسو وینئ چې روس شمالي کوریا سره په داسې پروګرامونو د همکارۍ خبره کوي چې د ملګرو ملتونو د سېکيورټي کاونسل د هغو قراردادونو خلاف ورزي به کوي چې خپله روس يې په حق کې ووټ ورکړی دی."

د انټرنېشنل اېنسټېټیوټ فار سټرېټيجېک سټډیز څېړونکي مارک فېټس پېټرېک وي او ای ته وویل که د روس او شمالي کوریا معاهده د دواړو ملکونو دپاره ګټه ده خو د دنیا او سیمې د ثبات دپاره د تشویش وړه خبره ده.

فېټس پېټرېک "ځما په فکر دا اهمه خبره ده چې دوی په خلايي مرکز کې ملاقات وکړو. او دا د ې نخښه هم ده چې شمالي کوریا دغه ډول ټېکنالوجي غواړي په داسې حال کې چې د شمالي کوریا دوه جاسوسي سیارې ناکامه شوې دي. شمالي کوریا داسې مرستې ته ضرورت لري."

فېټس پېټرېک وویل په دې څه شک نشته چې شمالي کوریا به روس ته د توپخانې او د ټېنک ضد ګولې ورکوي چې په اوکراین کې به د روس مرسته وکړي.

د ملګرو ملتونو مشر اېنټونیو ګوټېرېس د شورو، چهارشنبې، په ورځ وویل که یو ملک د شمالي کوریا سره څه قسمه همکاري هم کوي نو پکار ده چې د هغو پابندیو احترام وکړي چې سکيورټي کاونسل نافذ کړي دي.

Forum

ځانګړې ویډیوګانې

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:58 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG