د امریکې سپریم کورټ په اینده څو ورځو کې د پخواني صدر ډانلډ ټرمپ په سیاسي ژوند کې اهمې فېصلې کولی شي

لس میاشتې وروسته به امریکایان د هېواد د نوي صدر غوره کولو دپاره په ووټونو کې برخه اخلي خو د دې وړاندې په اینده څو هفتو کې سپریم کورټ کې د پخواني صدر او په اینده صدارتي انتخاب کې د ريپبلېکن پارټۍ تر ټولو وړاندې امیدوار ډانلډ ټرمپ په سیاسي ژوند کې اهم کردارلوبولی شي.

درې کاله وړاندې په صدارتي انتخاب کې د ناکامۍ وروسته او په داسې حال کې چې ټرمپ وایټ هاوس ته د بیا ورسېدو کوښښ کوي، هغه د یو شمېر خنډانو سره مخامخ دی او د سپریم کورټ نهه ججان داسې فېصلې کولی شي چې یا به د هغه په ګټه او یا به د هغه په تاوان ثابتې شي.

د ټرمپ په ضد په ۹۱ الزاماتو څلور فرد جرم لګول شوي دي چې په اینده څو میاشتو کې پې مقدمې شروع کېدلی شي. ټرمپ وايي هغه د مقدمو نه استثنا لري.

دوو ریاستونو فېصله کړې چې د پارټۍ صدارتي امیدوار غوره کولو دپاره د ريپبلېکن پارټۍ دننه د انتخاب یا د پرايمري په بېلېټ یا ووټ به د ټرمپ نوم نه وي. دغو ریاستو په ټرمپ الزام لګولی چې د کال ۲۰۲۱ د جنورۍ په شپږمه نېټه یې د کانګرس په ودانۍ د قهرجنو مظاهره چیانو یرغل په راپارولو کې لاس لرلو.

په کانګرس یرغل په داسې حال کې شوی وو چې کانګرس په صدارتي انتخاب کې د ټرمپ د حریف او د ډېموکرېټېک پارټۍ امیدوار بریا په رسمي ډول منظوروله.

په موجوده وخت کې دا نه دي ټاکل شوي چې سپریم کورټ به د صدر ټرمپ خلاف په عدالتي فېصلو غور کوي خو په داسې حال کې چې په زېلي عدالتونو کې د ټرمپ مقدمې اورېدل کېږي نو دغه صورتحال بدلېدلی شي ځکه چې ټرمپ، د هغه او سرکاري وکیلان د دوی په ضد د زېلي عدالتونو په فېصلو اپیلونه د هېواد تر ټولو لوی عدالت ته وړلی شي.

سپریم کورټ د یو پولیس افسر د مقدمې د نظر ثانۍ فېصله کړې چې په سرکاري کار کې د خنډ اچولو الزام پې لګول شوی دی. دا هم په ټرمپ اثر غورځولی شي. د پولیس افسر دریځ دی چې سرکاري وکیلانو د هغه خلاف د هغه قانون نه اخل اخیستی چې دستاوېزاتو او ثبونو کې د لاس وهنې الزام پې لګول شوی وي.

سرکاري وکیلانو دغه قانون په کانګرس په یرغل په مشکوکه توګه ککړ د ۳۰۰ نه زیاتو کسانو په ضد استعمال کړی چې د ټرمپ خلاف د دوو الزاماتو بنیاد دی. دغه مقدمه سرکاري وکیل جېک سمېت شروع کړې چې ټرمپ د ۲۰۲۰ د صدارتي انتخاب نتیجه د بدلولو مبینه سازش کړی و. توقعو ده چې سپریم کورټ به د پولیس افسر په مقدمه د جون په میاشت کې فېصله اوروي. د دې نه مخکې د مارچ په څلورمه نېټه به د واشنګټن په عدالت کې په انتخاب کې د درغلۍ په سر مقدمه هم شروع کېږي.

ټرمپ دریځ لري چې هغه د مقدمو نه په مکمله توګه استثنا لري ځکه چې د ۲۰۲۰ په اخېره او د ۲۰۲۱ په شروع کې چې هغه د انتخاب په اړه ګامونه اخیستې نو په دغه مهال هغه صدر وو. د سرکاري وکیل سمېت دلیل دی چې هېڅ څوک د قانون او د عدالتي اقدام نه بالا نه دی چې ټرمپ هم په کې شامل دی. ټرمپ د امریکې په تاریخ کې وړمبی پخوانی صدر دی چې د جرمونو الزامات پې لګول شوي دي.

په صدارتي انتخاب کې د مبینه درغلۍ مقدمه چې په کوم عدالت کې کېږي، د دې عدالت ججه ټانیا چټکن د سرکاري وکیل سره متفق ده چې ټرمپ جېل ته د نه تلو حق نه لري.

ټرمپ دا دریځ هم لري چې په کانګرس د یرغل په سر په هغه مقدمه نه شي کېدلی.

سرکاري وکیل جېک سمېت د سپریم کورټ ته خواست کړی و چې د ټرمپ د استثنا په دلیل دې زر فېصله وکړي خو سپریم کورټ دغه مقدمه د واشنګټن د اپیلونو عدالت ته وړاندې کړې ده. د اپیلونو عدالت د دې مقدمې د اورونې دپاره د جنورۍ نهمه نېټه ټاکلې ده.

د سپریم کورټ په ججانو کې هغه درې ججان هم شامل دي چې ټرمپ ګمارلي وو او د ۲۰۲۰ د صدارتي انتخاب سره تړلو مقدمو کې يې د ټرمپ خلاف فېصلې اورولي دي.

ټرمپ د هغه خلاف د مقدمو غندنه کړې ده او سمېت یې په ذهني توګه ناروغه بللی، او وايي د بایډن حکومت په هغه په سیاسي بنیادونو الزامات لګولي دي چې په صدارتي انتخاب کې د بایډن خلاف د ودرېدو مخه یې ونیول شي. ټرمپ وايي هېڅ غلط کار یې نه دی کړی.

سمېت چې د انصاف وزارت سرکاري وکیل یا څارنوال دی، په ټرمپ يې دا الزام هم لګولی دی چې د وایټ هاوس نه د وتلو وروسته يې د امریکې د قومي سلامتیا سره تړلي خفیه دستاوېزات په فلورېډا ریاست کې په خپل شخصي کور کې ساتلي وو.

په جورجیا ریاست کې د ریاست سرکاری وکیل د ۲۰۲۰ په صدارتي انتخاب کې په ریاست کې د درغلۍ الزام لګولی او په نیویارک کې سرکاري وکیل په ټرمپ الزام لګولی چې په کاروباري دستاوېزاتو کې یې دروغ وېلي چې دا ډول هغه پېسې پټي وساتي چې د لوڅو فلمونو یوې اداکارې ته يې ورکړې وي چې د ټرمپ سره په خپل تعلق پټه خوله پاتې شي.