لاس رسیدونکی لینک

Breaking News

زیاتره امریکايان غواړي چې د امریکې او طالبانو په امن معاهده دې عمل وشي، سروی ښايي 


د امریکې او طالبانو د امن معاهدې دلاندې به قطر کې بېن الافغان مذاکرات شروع شوي او د امریکې خارجه وزیر مایک پامپېیو د خبرو د شروع کېدو په مراسمو کې شرکت وکړو

په امریکا کې شوي یوه نظر پوښتنه ښايي د صدر ډانلډ ټرمپ د پلویانو اکثریت طالبانو سره د امریکې د امن معاهدې او په افغانستان کې ۱۹ کلن جنګ د ختمیدو حمایت کوي.

په نیویارک کې مېشته د یورېشیا ګروپ فاونډېشن نومې ادارې نظر پوښتنې دا هم موندلي چې په اینده صدارتي انتخاباتو کې د واک من ريپبلېکن ګوند مخالف د ډېموکرېټک پارټۍ امیدوار جوبایډن ۶۰ فیصد پلویان هم طالبانو سره د لوظنامې حمایت کوي.

د وي او ای د انګریزۍ څانګې د رپورټ ترمخه سروی کوونکې ادارې وویل په افغانستان کې جنګ ختموول په امریکایانو کې ډیر مقبولیت لري او د هر سیاسي فکر امریکایان په امن معاهده عمل کوول غواړي. د نظر پوښتنې موندنې د ګل، دوشنبې، په ورځ شایع شوي دي.

امریکې او طالبانو د سږ کال د فېبرورۍ په ۲۹ نېټه په قطر کې د سولې معاهده لاس لیک کړه. د معاهدې ترمخه په اینده ۱۴ میاشتو کې به امریکا د افغانستان څخه خپل ټول ځواکوه وباسي، طالبان په دا ضمانت ورکوي چې د افغانستان خاوره به د ترهګرۍ دپاره نه استعمالیږي او د طالبان به د افغان حکومت سره خبرو ته کښېني.

د معاهدې وروسته امریکې په افغانستان کې د خپلو عسکرو شمېر د ۱۳۰۰۰ نه ۸۶۰۰ ته راکم کړی دی او د خالي، شنبې، د ورځ راهسې په قطر کې د بېن الافغاني مذاکراتو تر نامه لاندې د افغان حکومت او طالبانو خبرې هم شروع شوي او د وي او ای اشنا څانګې د رپورټ ترمخه نن د نهې، سه شنبې، په ورځ به په قطر کې د بېن الافغاني مذاکراتو دریمه عمومي غونډه کېږي.

د صدر ټرمپ حکومت اعلان کړی دی چې د نومبر د میاشت پورې به په افغانستان کې د امریکايي ځواکونو تعداد ۴۵۰۰ ته راکم کړی شي او د وي او ای د رپورټ ترمخه د امریکې خارجه وزیر مایک پامپېیو د اتوار، يکشنبې، په ورځ شایع شوي یوه مرکه کې ویلي چې د ټاکل شوي تګلارې سره سم به د کال ۲۰۲۱ پورې امریکا د افغانستان نه ټول ځواکونه ستانه کړي.

پامپېیو برایټ بارټ نیوز خبري ادارې ته وویل د ۹/۱۱ نه ۱۹ کاله پس افغانان تیار شوول چې خپل ملک د وړاندې بوتلو په خاطر خپل منځو کې خبرو ته کښېني او تشدد ختم کړي.

د یورېشیا ګروپ فاونډېشن نظر پوښتنه ښايی په سروی کې برخه اخېستونکو کې د ۱۰ فیصد نه کمو خلکو طالبانو سره د امریکې د معاهدې مخالفت وکړ او په دریو کې یو تن د څه قسمه رای ورکوولو نه ډډه وکړه او بې طرفه پاتې شوول.

سروی ښایی د تېر کال په مقابل کې سږ کال د هغو خلکو په شمېره کې نیم په نیمه کمی راغلی چې غوښتل یې امریکا دې تر هغه وخت د افغانستان څخه نه وځی تر څو ټولو دښمنانانو ته ماتی نه وی ورکړی شوی. د ۳۰ فیصد په مقابل کې دغه تعداد ۱۵ فیصد ته راکم شوی دی.

د نومبر په میاشت کې کېدوونکو صدارتي انتخاباتو کې ډانلډټرمپ حریف جوبایډن ویلي چې ترهګرۍ ته د ماتي ورکوولو په خاطر امریکا باید په یو تعداد کې عسکر په افغانستان کې پرځای وساتي.

د یورېشیا فاونډېشن د سروی یا نظر پوښتنې شریک مصنف مارک هانا وي او ای ته وویل په داسې مهال چې په افغانستان کې جنګ ۲۰ کال کې داخلېدونکی دی د جنګ په اړه د امریکایانو صبر تمام شوی ځکه چې داسې ښکاري دا جنګ د اصل هدف نه لرې شوی او نه لیدل کیږي چې بریا به پکې ترلاسه شي.

د وی او ای رپورټ وايي د صدارتي انتخاباتو دپاره خپل کمېپېن کې به ډانلډ ټرمپ وېل چې هغه به په افغانستان کې جنګ ختموي او امریکايي عسکر په ستنوي او اوس دا لوظ پوره کوول غواړي.

د وي او ای رپورټ وايي د ۹/۱۱ وروسته په افغانستان کې د جنګ دلاسه تر ۲۰۱۹ پورې ۱۶۰۰۰۰ کسان وژل شوي وو چې پکې د افغان حکومت امنیتي عسکر، د دوی مخالف وسله وال او ملکي خلک شامل دي. په افغانستان کې د ۲۴۰۰ نه زیات امریکايي عسکر هم وژل شوي او د ۲۰۰۰۰ نه زیات امریکایان زخمیان شوي هم دي او امریکا په افغانستان کې قریباً یو کهرب ډالر مصرف کړي.

XS
SM
MD
LG