لاس رسیدونکی لینک

تازه خبر

په بنګله دېش د دوو ښځینه وزیراعظمانو د حکومتونو باوجود په سیاست کې د ښځو نمایندګي کمه ده


د بنګله دېش وزیراعظمه شېځ حسینه د ډسمبر په 20 نېټه په سلهټ ښار کې انتخابي جلسې ته تقریر کوي
د بنګله دېش وزیراعظمه شېځ حسینه د ډسمبر په 20 نېټه په سلهټ ښار کې انتخابي جلسې ته تقریر کوي

د 1991 راهسې په بنګله دېش د دوو ښځینه وزیراعظمانو شیخ حسینه او خالده ضیا حکومتونه کړي دې خو د هېواد په سیاسيت کې د ښځو نمایندګي اوس هم د نیشت برابر ده.

د بنګله دېش په سیاسي مېدان کې د ښځو د کم شرکت اندازه د دې نه هم کېدلی شي چې د جنورۍ په اوومه نېټه د هېواد په عامو انتخاباتو کې، د الېکشن کمېشن ترمخه، د 1891 امېدوارانو څخه 92 ښځینه امیدوارانې دي چې د پارلېمنټ د 300 چوکو دپاره مقابلې ته راوتي دي. په انتخاباتو کې د ښځینه امېدوارانو دا سرح‌ 4.86 فیصد ده.

د کال 2018 په انتخاباتو کې د ښځینه اميدوارانو شرح 3.67 فیصد وه.

ښځینه سیاسي فعالانې او سیاسي څېړونکي ګڼي چې د بنګله دېش په سیاست کې د ښځو د کمي لوی اسباب د ښځو د تعلیم ټیټه شرح، کم مسیاسي طاقت، کم مالي وسایل، سماجي او مذهبي تعصب او نرواکه معاشره ده چې په سیاست کې د ښځو د زیاتې ونډې لاره نېسي.

د بنګله دېش په سیاست کې زیاتره هغه ښځې مخکې دي چې کورنۍ یې د سیاست سره اوږد تړون لري او هم د دې له امله پېژندې څېرې بیا بیا په انتخاباتو کې شرکت کوي.

په اینده انتخاباتو کې عوامي لیګ پارټۍ 20 ښځینه امیدوارانو ودرولي دي چې 17 په کې د موجوده پارلېمنټ غړي وې، باقې درې ښځینه امېدوارانې د تېرو پارلېمنټونو غړي وې.

د بنګله دېش الېکشن کمېشن سیاسي ګوندونو ته هدایات جاري کړي چې د امیدوارانو دریمه برخه دې ښځینه امیدوارانې وي خو د عوامي لیګ، بنګله دېش نېشنلسټ پارټي او د جتیا پارټۍ په شان لویو ګوندونو د کمېشن دغه شرط نه دی پوره کړی.

"د دې مطلب دا دی چې سیاسي پارټۍ د ښځو دپاره دوستانه ماحول نه لري او په سیاست کې ښځې نه غواړي،" د جهانګیرنګر یونېورسټۍ د حکومت او د سیاسیاتو د څانګې استاذ شمس العالم وي او ای ته وویل.

د بنګله دېش ایین تقاضا کوي چې ښځو دپاره دې په پارلېمنټ‌کې چوکۍ مخصوص کړی شي. د دې برمخه پکار ده چې په قانون ساز ادارو کې ښځې 50 فیصد چوکۍ ولري.

Forum

هېلو وي او اې په ټي وي

هېلو وي او ای
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG