لاس رسیدونکی لینک

Breaking News

کرونا وايرس: په نړۍ کې د مړو شمېره د پنځه لکه 55 زره او په امریکا کې د يو لک 33 زره نه سېوا شوې

امریکا کې په تېرو 24 ساعتونو کې د کرونا وایرس ریکارډ 63 زره قضیې رپوټ شوې دي. د جانز هاپکنز پوهنتون ترمخه په امریکا کې تراوسه د کرونا وایرس څخه درې میلینه یو لک او 18 زره نه زیات کسان اغیزمن شوي او 133,291 یو لک 33 زره نه ریات مړه شوي هم دي.


20:51 10.7.2020

امریکا کې په تېرو 24 ساعتونو کې د کرونا وایرس ریکارډ 63 زره قضیې رپوټ شوې دي. د جانز هاپکنز پوهنتون ترمخه په امریکا کې تراوسه د کرونا وایرس څخه درې میلینه یو لک او 18 زره نه زیات کسان اغیزمن شوي او 133,291 یو لک 33 زره نه ریات مړه شوي هم دي.

د امریکا نه پس په نړۍ کې کرونا وایرس نه برازیل د ټولو زیات ځپل شوی هېواد دی. په برازیل کې په تېرو 24 ساعتونو کې 42 زره نوي کیسونه رپوټ شوي دي. په برازیل کې تر دې دمه د کرونا وایرس نه 69,184 خلک مړه شوي دي او یو میلین او اووه لکه 55 زره نه زیات کسان په اخته شوي دي.
هندوستان د هغو هېوادونو په لېسټ کې دریم ځای لري چې د وژونکې ناروغۍ لخوا اغیزمن شوي دي ، د زیارت په ورځ په هند کې 26،000 قضیې ثبت شوې دي. په هند کې تر دې دمه د کرونا وایرس څخه د اغیزمنو خلکو شمېره 793,802 ده او 21,604 خلک مړه شوي دي.

د زیارت په ورځ په مېکسیکو کې هم د یوې ورځې ریکارډ پیښې هم رپورټ شوې دي.

د بولیویا د مواقتي صدر د کرونا وایرس ټېسټ مثبت راغلی دی.

هانګ کانګ د کرونا وایرس د خپریدو د مخنیوي دپاره د سکولونو د تړلو اعلان کړی دی.

په تیرو 24 ساعتونو کې په پاکستان کې د 75 د مړینې او 2751 نوې پیښو رپوټ ورکړل شوی دی.

په پاکستان کې د مړینو ټولټال شمیره له پنځو زرو څخه اوښتې ده، په دغه هېواد کې د حکومتي شمیرو ترمخه دوه 43 زره کسان په کرونا وایرس اخته شوي دي.
په اففانستان کې په تیرو 24 ساعتونو کې په هیواد کې د کرونا ویروس 286 مثبتې پېښې ثبت شوي دي.
په دې سره په افغانستان کې د کرونا وایرس مثبتو پېښو شمېر 34194 ته پورته شوو.

11:42 9.7.2020

کرونا وايرس څخه په نړۍ کې د مړو شمېره د څلور لکه 49 زره او په امریکا کې د يو لک 32 زره نه سېوا شوې

د امریکې د جان هوپکنز پوهنتون د تازه شمېرو له مخې په ټوله نړۍ کې له کرونا وایرسه د اغېزمنو کسانو شمېر یو کروړ 20 لکه او د مړیو شمېر پینځه لکه 49 زره او 477، په امریکا کې د اغېزمنو کسانو شمېر درې میلینه (30 لکه) 55 زره او څلور، او د مړیو شمېر یو لک 32 زره 309 ته ورسېد. په برازیل کې د اغېزمنو کسانو شمېر 17 لکه 13 زره او د مړیو شمېر 67 زره 964 شو.

په برازيل پسې هند په درېم نمبر هېواد دی چې پکې د کرونا وايرس اووه لکه 67زره 296 پېښې مخې ته راغلي او 21زره 129 کسان ترې مړه شوي دي.

په روس کې په شپږ لکه 99زره749 کسانو کې د کرونا وايرس پخل شوی او لس زره650 ترې مړه شوي دي.

22:13 2.7.2020

ډبلیو اېچ او: د کرونا ۱۰ میلینه پېښو کې ۶۰ فیصده یواځې په جون میاشت کې رپورټ شوي

د صحت نړیوالې ادارې یا ډبلیو اېچ او ویلي د دسمبر د میاشتې راپه دیخوا د کرونا وبا نه اغیزمنو شوو ۱۰ میلینه خلکو کې ۶۰ فیصده کېسونه یواځې د جون په میاشتې کې ثبت شوي چې ښايي دغه وبا د کمیدو پرځاې نوره بد حال ته ورروانه ده.

د ادارې مشر ټیډروس ګېبریاسېس د جولايي په لومړۍ نېټه ویلي دا مهال په نړۍ کې د ورځې په حساب ۱۶۰۰۰۰ نوي کېسونه رپورټ کیږي. نوموړي زیاته کړې، د کرونا وایرس مخنیوي لپاره هیوادونه باېد ګټه ور ګامونه پورته کړي.

نوموړي‌ ویلي: ٫٫ د کرونا ناروغان معلومول، د نورو نه جدا کول،‌ بیا معاینه/ ټستونه او د هرناروغه تن پام ساتنه؛ د کرونا ناروغه سره نژدې شوي خلک لټول او قرنطین کول؛ د صحت کارکونکي تربیه کول او دوي له پوره اوزار یا الات ورکول خلک په دې خبره پوه کول چې ځان او نور خلک به څنګه د کرونا نه ساتي.٬٬ نوموړي‌ وړاندې ویلي‌، کومو هیوادونو چې خواره واره ګامونه پورته کړي هغوي‌ته یو سخته او لوېه لار ورپه غاړه ده.‌

د ډبلیو اېچ او مشر ویلي : ٫٫ یواځې په ټسټونه نه کیږي، نه په ټولنیز واټن،‌ نه یواځې د کرونا اغیزمن معلومول او نه یواځې په ماسکونو کیږي.‌ دا ټول به په ګډه کول وي.٬٬ ښاغلي ټېډروس ‌ویلي په تیرو شپږو میاشتو کې چې کومه زده کړه شوې هغه دا ده چې هیڅ هم ناوخته نه دي.‌ که په هر یو هیواد کې هر قسمه حالات وي دا بدلیدلی شي.

22:04 2.7.2020

امریکا کې په یوه ورځ د کرونا د پنځوسو زرو زیاتې پېښې رپورټ شوي

د کرونا وبا خوریدو وروسته په لومړي ځل په امریکا کې په یوه ورځ کې تر ټولو زیاتې د پنځوسو زرو (۵۰۰۰۰) نه سېوا پېښې رپورټ شوي. د چارشنبې / شورو په ورځ د امریکا په کېلیفورنیا ایالت کې ۹۷۴۰ پېښې،‌ په ټېکساس کې ۸۰۷۶ کېسونه، فلورېډ‌ا کې ۶۵۶۳ او په اېریزونا ایالت کې ۴۸۷۷ نوي کېسونه رپورټ شوي دي.

د چارشنبې / شورو په ورځ د امریکا په کېلیفورنیا ایالت کې ۹۷۴۰ نوې پېښې ثبت شوی. دغه معلومات د کرونا وایرس د اغیزمنو خلکو د شمېرو معلومولو لپاره د اټلانټک مېګزین لخوا ورکړل شوي. د کېلیفورنیا وروسته د امریکا ټېکساس ایالت دی چرته چې په دغه ورځ ۸۰۷۶ نوې کېسونه، په فلورېډ‌ا ایالت کې ۶۵۶۳ او په اېریزونا ایالت کې ۴۸۷۷ نوي د کرونا ناورغان رپورټ شوي دي. د کرونا زیاتو شمیرو رپورټ کیدو نورې پېښې په الاسکا، جارجیا، لویزیانا، نارت کېرولاېینا او ټینیسي ایالتونو کې دي.

امریکا کې په یوه ورځ کې د ۵۰ زرو نه زیاتو پېښو ثبت کیدو سره سره په اتو ایالتونو کې په یوه ورځ هسپتالونو کې تر ټولو زیات ناروغان هم داخل شوي. تیره ورځ په ټېکساس ایالت کې ۶۹۰۴ تنه هسپتالونو ته وړل شوي. او په دغه ایالت کې په دومره لویه شمیره کې د ناروغانو هسپتالونو ته وړلو له سببه هسپتالونه د ناروغانو ډ‌ک شوي.‌

په کېلیفورنیا کې د ناروغانو شمېره سېوا کیدو وروسته د ایالت ګورنر دې ته مجبوره شوی چې ایالت کې په مهخانو یا بارونو، سنیماګانو او د ۱۹ کاونټیانو په هوټلو کې ختم کړی شوی بندیز بیرته ولګوي. او د کرونا وبا د شورو ورځو سخت بندیزونه بیرته په ټول ایالت کې عملي‌ کړي.

د امریکا په نورو ایالتونو لکه نیویارک کې د نیویارک ښاروال بل ډي‌ بلاسیو د خوراکي هوټلو د بیرته پرانستلو پلان ځنډولی ځکه داسې امکان شته چې د نورو متاثره ایالاتونو نه کرونا وهلي خلک په نیویارک ښار کې د کرونا خوریدو سبب وګرځي. د پېنسلوینیا ګورنر ټام ولف تیره ورځ په ګرد ایالت کې د ماسکونو په مخ کولو امر خپور کړی چې په ټول ایالت کې به عملي وي.

په امریکا کې په یوه ورځ کې تر ټولو زیاتې یا ریکارډ پېښې په داسې وخت کې رپورټ شوي چې په امریکا کې د الرجۍ او خوریدونکي ناروغیو قامي مرکز مشر ډاکټر فاوچي‌ دوه ورځې وړاندې د امریکا د سېنټ یوې کمېټۍ ته ویلي، دا موجوده شمیرې یو په دوه کیدلی شي یا د ورځې د یو لک نه زیاتېدلی شي که چرې په امریکا کې د کرونا خوریدو روانې څپې مخه وه نه نیول شوه او خلکو احتیاط‌ وه نه کړو.

نور کتل

XS
SM
MD
LG